Рамазан – нұр шашқан ай
Мейірімі шексіз Алладан ұлы Хабар келген қасиетті Рамазан айына арнап Таугүл-3 мешіті әйел-қыздар секторы мен «Жәрдем» қайырымдылық қорының ұйымдастыруымен 170 қыз-келіншекке үлкен көлемде ауызашар өткізілді. Екі бөлімнен тұратын бұл рухани ауызашар кешінің бірінші бөлімінде «Нәпсіге құл болмайық» атты қыздардың әсерлі көрінісінен кейін, әл Мадина мешітінің ұстазы Қарабаева Меруерт нәпсіні тәрбиелеу жолдары туралы кеш қонақтарына кішігірім уағыз айтты.
Әсерлі болған екінші бөлімде садақа және оның екі дүниедегі пайдасы жайлы айтылып, қыздардың садақа жайлы көріністері қойылды, әрі «Жәрдем» қайырымдылық қорының ресми ашылуы өтті. Ашылу кезінде осы уақытқа дейін қордың атқарған жұмыстары мен болашаққа жоспары айқындалып, халыққа осы уақытқа дейін атқарылған жұмыстарына есеп тапсырды. Таугүл-3 мешітінің бас имамы Камалжан Бекбосынұлының қолдауымен ашылған бұл қордың басты мақсаты - ауру балалар еміне қаржылай көмек көрсету, мұқтаж отбасыларын азық-түлікпен қамтамасыз ету, әрі жетімдер үйіне барып балалардың көңілін көтеру. Келген кеш қонақтары қордың жұмыстарына сәттілік тілеп, өз дұға-тілектерін айта кетті.
Рамазан айындағы Пайғамбарымыздың (с.а.с) желден де жомарттығы еске салынып, мұсылман бауырын қуантудың артықшылықтарын тілге тиек етті. Бауырыңызға көмектесу, әрі оны қуанту – ахиретті әсемдеудің ең көркем жолы екенін тағы еске салынған бұл кештен келген қонақтар әсерленіп, алғыс білдіре тарқасты.
Қызықты тақырыптар
ҚР Дін істері және азаматтық қоғам министрлігіне қарасты Республикалық ақпараттық түсіндіру тобы Алматы қаласында Діни экстремизм және терроризмнің алдын алу мақсатында кездесулер ұйымдастыруда....
Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлы хазреттің тапсырмасымен Алматы қаласындағы 31 мешітте «31 мамыр – саяси қуғын-сүргін және ашаршылық құрбандарын еске алу күніне» орай елі үшін адалдықтың үлгісі бола білген тұлғалардың рухына тағзым жасалып, Құр...
Қасиетті Рамазан айы әрбір мүміннің жақсылықтарда жарысып, қайырымдылық пен жомарттықтың нағыз шыңына шығатын берекелі ай екені сөзсіз.
Алматы қаласындағы менингокок вирусының өршіп тұруына орай барлық жазғы демалу және сауықтыру лагерлерінің жұмысы Алматы қаласы санитарлық департаментінің бас дәрігерінің Жарлығымен 18 маусымға дейін уақытша тоқтатылды. Сондай-ақ, аталмыш шешім аясында Алматы қаласындағы барлық мешіттердегі жазғы са...
Бүгін Қазақстан мұсылмандары діни басқармасының төрағасы, Бас мүфти Серікбай қажы Ораз хазреттің тапсырмасымен Алматы қаласы Орталық мешітінде «31 мамыр – саяси қуғын-сүргін және ашаршылық құрбандарын еске алу күніне» орай Құран оқылып, құрбан шалынды....
Алматы Орталық мешітіне қарасты «Діни сауат ашу» курстары 2018 жылдың 4 маусымынан бастап 4 шілдеге дейін мектеп жасындағы ер және қыз балаларды жазғы курстарға шақырады....
Намаз уақыттары 
