ФОТО: БАС МҮФТИ ҚАЖЫЛАРҒА СӘТ САПАР ТІЛЕДІ
Бүгін, Қазақстан Мұсылмандары Діни басқармасының төрағасы, Бас мүфти Серікбай қажы Ораз хазрет қасиетті қажылық сапарына аттанғалы жатқан қажыларымен жүздесіп, оларға сәт сапар тіледі.
Бас мүфти: «Бүгін Қазақстан мұсылмандары тарихында айтулы күн болып отыр. Осы қуанышпен барлықтарыңызды құттықтай отырып, биылғы қажылық маусымының алғашқы сапарына ақжол тілеймін. Бәрімізге белгілі, қажылық дегеніміз – Исламның бес парызының бірі, әрбір мұсылманның мол сауапқа кенеліп, Алланың ризалығына бөленетін қасиетті құлшылығы. Сондықтан да бізді осындай бейбіт күнге жеткізіп, алаңсыз ғибадат етуге мүмкіндік берген Алла Тағалаға сансыз шүкірліктер айтамыз! Қажыларымыздың ниеттері қабыл, мұраттары асыл болғай!» – деп қажыларға өзінің жүрекжарды сөзін жеткізді.
Содан Алматы Орталық мешітінің Бас имамы Еркінбек қари Шохаев құран оқып, батасын Бас мүфти қайырды. Одан әрі Алматы әуежайының алаңында өткен жүздесудің ажарын ашып, рухани тәлім-тәрбиесін арттыруға ақындарымыз да өз үлестерін қосты. Атап айтқанда, елімізге танымал айтыскер ақынымыз Қанат Мырзахан «Қажыларға арнау» өлеңін домбырада нақышына келтіріп орындады. Сонымен қатар жас ақын Бауыржан Мырзақұл да өзінің «Қажыларға сәт сапар тілеу» атты жырын тарту етіп, тыңдармандардың көңілдерін серпілтіп тастады. Содан қалың көпшілік ақындардың:
...Қайыспай көтеретін заман жүгін,Иманды ел – ертеңіне алаң бүгін.Құдайдың қонақтары, қажылықта,Ел-жұрттың тілеңіздер амандығын!Бір Алла – қолдаушыңыз, қорғаныңыз,Парызды өтеп қайту – зор бағыңыз.Қажылар, сапарларың сәтті болып,Қатерсіз, ашық болсын жолдарыңыз! – деген ақжарма тілектеріне «әумин» десіп, беттерін сипады.
Қажылық сапарына алғаш аттанған отандастарымыз да, өздерінің көңіл толқыныстарын жасыра алмай, ел-жұрттың амандығы мен тыныштығын тілеп, құлшылықтарына Алладан жеңілдік сұрады. Соның ішінде қажылыққа бара жатқан Шалабаев Жарылқасым ақсақал өзінің осы сапарға шығудағы ниетін білдіріп, келелі ойлары мен кеңестерін ортаға салды.
Қажыларымыздың сапары оң болсын!
Алматы Орталық мешітінің баспасөз қызметі
Тақырып бойынша жаңалықтар
ҚМДБ Төрағасының орынбасары, наиб мүфти Кенжеәлі қажы Қоңыратбайұлы «Еуразия континенті халықтарының эволюциясы контексіндегі зороастризмнің мәдени-тарихи мұрасы» тақырыбындағы Халықаралық ғылыми-практикалық конференцияға қатысты....
Кеше Алматы қаласында қуатты жер сілкінісі орын алды. Алматы қаласы төтенше жағдайлар департаменті адам шығыны мен қираған ғимараттар жайлы ақпарат түспегенін мәлімдеді....
ҚМДБ «Халал даму» бөлімі Алматы қаласы бойынша өкілдігінде бірнеше кәсіпорын ұсынған өнімінің адалдығын дәлелдеп, «QMDB Halal» сертификатына ие болды.
Бүгін Алматы қаласында Бас мүфти Наурызбай қажы Тағанұлының төрағалығымен Қазақстан мұсылмандары діни басқармасы жанындағы Сарапшылар кеңесінің VI мәжілісі өтті....
Алматы Орталық мешітінде қала имамдарына «Қажының рухани келбеті» тұғырнамалық құжатын насихаттау мақсатындағы аймақтық танымдық семинар өтті.
Республикалық ақпараттық-насихат тобы мүшелеріне арналған семинарда ҚМДБ Төрағасы Наурызбай қажы Тағанұлы «РАНТ және ЖАНТ тұғырнамасын» таныстырды.
Қызықты тақырыптар
ҚР ДСМ Қоғамдық денсаулық сақтау комитеті қажылыққа баратындар үшін жадынаманы жариялады. Қажылыққа жыл сайын әлемнің 160 елінен 2 млн. астам адам қатысады. Қазақстан тарапынан биылғы қажылық маусымына 3000 қажы қатысады. ...
Қазақстан мұсылмандары діни басқармасының мәлімдеуінше, биылғы қажылыққа отандастарымыз Астана, Алматы, Ақтау, Шымкент қалаларынан тікелей рейспен Жидда, Мәдина шаһарына ұшады. Әуе рейстерін Қазақстан тарапынан отандық Scat, Сауд Арабия Корольдігінен Flynas әуекомпаниялары ұйымдастырады. Ұшу уақыты ...
Алматы қаласы Орталық мешітінің бас имамы Еркінбек қари Керімбекұлы және Қазақстан мұсылмандары діни басқармасы жанынан құрылған «Халал өнімдерін стандарттау» бөлімінің Алматы қаласы бойынша меңгерушісі Ануар Елжановтың қатысуымен Алматы қаласындағы Құрбан айт мерекесі қарсаңында құрбан шалуға атсал...
Құрбан мейрамы кезінде мұсылмандардың көпшілігі екі қиындыққа кезігеді: біріншісі құрбандыққа мал іздеп, оны шалу болса, екіншісі құрбандыққа шалынған мал етін тиесілі адамдарды тауып, тарату.
Көптеген адамдар осы діни салт-жораны жүзеге асыру үшін кезектерін бірнеше сағаттап күтуге мәжбүр. Содан ...
Кеше Алматы қаласы орталық мешітінде Қазақстан мұсылмандары діни басқармасы Алматы қаласы өкілдігінің ұйымдастыруымен Ақтөбе қаласында өтетін «Әдемі әуезді азаншы» ІІІ Республикалық азаншылар жарысына Алматы қаласы бойынша іріктеу жарысы өткізілді....
Кеше Алматы қаласы орталық мешіті ғимаратында Қазақстан мұсылмандары діни басқармасы төрағасы, Бас мүфти Серікбай қажы Сатыбалдыұлы хазреттің бастамасымен құрылған жергілікті ақпараттық-насихаттық топ мүшелерінің отырысы өтті....
Намаз уақыттары 
