Мысырдан хат: Көңілден шыққан сәтті сапар!
Алла нәсіп етіп көптің көңілінде арманға айналған сәтті сапар бізге де бұйырды.
Қазақстан мұсылмандары діни басқармасы мен Мысыр Араб Республикасының «Әл-Әзһар» университеті арасындағы ғылыми ынтымақтастық келісіміне сәйкес, Қазақстан бойынша имамдар мен ұстаздардан құралған тоғыз дін қызметкері екі айлық білім жетілдіру курсына жол тарттық.
Шыққалы тұрған осы сапар алдында Қазақстан мұсылмандары діни басқармасының Дін істері және талдау бөлімінің меңгерушісі Есмағанбет Нұрбек Әуесханұлы біздерге іс-сапарындағы ҚМДБ-ның төрағасы, Бас мүфти Серікбай қажы Ораздың сәлемін жеткізді. Сонымен қатар, осы кезекті білім жетілдіру курсының маңызды тұстарын түсіндіре келе уақытымызды ұтымды меңгеріп аз уақыт ішінде керекті білім алуымызға келелі кеңестер беріп, сапарымызға ақ жол тілеп шығарып салды.
Каир қаласына келгеннен бастап біздерді ҚМДБ-ның қолдауымен келген «әл-Әзһар»-да оқып жатқан еліміздің студенттері шын пейілдерімен қарсы алды. Өзге елде өгейсітпей қажет жерімізге жеткізіп, Каирдың әрбір тұсын таныстырып қай кезде болмасын қажетімізден табылып отырған бауырларымызға алғысымызды ауызбен айтып жеткізу аз. Сондықтан да, ізгілікке жарысқан қандастарымызға арнап сапарлас бауырымыз, әрі Семей қаласындағы «Тасмешіті»-нің бас имамы Нұрбек Нәзерұлы ағамыз алғысын білдіріп, дастархан жайды. Дастархан үстінде Солтүстік Қазақстан облысы Орталық мешітінің наиб имамы Қасымхан Абдуллаұлы ағамыз студенттерге елдің сәлемін жеткізіп, білікті мамандардың елге керек екенін айтып оқу жолдарына сәттілік тіледі.
Кезекті жоспардағы сабағымыз басталып, білікті ұстаздардың берген білім бұлағынан сусындадық. Келген әріптестерімізде бос уақыттарын зая жібермей Араб тілі, Құран, Фиқһ пәндерінен тереңдетіп сабақтар алуда. Осы орайда, бізді тәнті еткен жайт тамағымызбен-сусынымызды әзірлеп, күндіз-түні қызметімізде жүрген «әл-Әзһар» университетінің «әл-мәдинату әл-бахус әл-исламия»-дағы барша ұстаздар мен қызметкерлердің қонақжайлылығы мен дархан пейілдері көңілімізден шықты.
Еліміздің алға жылжып, дамуына барша жағдайды жасап, жастарымыздың білімдерін арттыруына да әкелік қамқорлық жасап отырған Елбасымызға қазақстандық жастардың атынан алғыс білдіргіміз келеді.
Сондай-ақ, осы сәтті сапарымызға себепкер болған Қазақстан мұсылмандар діни басқармасына және ҚМДБ-ның Төрағасы, Бас мүфти Серікбай қажы Ораз хазіретке алғысымызды білдіреміз. Аспанымыз ашық, еліміз аман, жұртымыз тыныш болсын.
Ірсәлі Абдулахадұлы
Алматы қаласы, Алатау ауданы,
«Әскер Ата» мешітінің наиб имамы
Тақырып бойынша жаңалықтар
Республикалық ақпараттық-насихат тобы мүшелеріне арналған семинарда ҚМДБ Төрағасы Наурызбай қажы Тағанұлы «РАНТ және ЖАНТ тұғырнамасын» таныстырды.
Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласының Орталық мешітінде жұма уағызын айтты.
Қазақстан мұсылмандары діни басқармасының төрағасы Наурызбай қажы Тағанұлы Қостанай өңіріне жұмыс сапары барысында Ыбырай Алтынсариннің «Мұсылманшылықтың тұтқасы» еңбегінің түпнұсқасын ағартушы-педагог атындағы облыстық музейге тапсырды....
Қасиетті Мекке қаласында Сауд Арабиясы Корольдігінің Ислам істері, уағыз және насихат министрлігінің ұйымдастыруымен «Әлемдегі дін істері, пәтуа басқармаларымен, шейхтықтармен және сол секілді мекемелермен байланыс» тақырыбында өтіп жатқан халықаралық конференция жалғасуда....
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Алматы қаласына сапарында «Орбита-3» мешіті жанынан ашылған «IZGI QOGAM» студиясымен танысты....
Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласына барған сапары барысында «Орбита-3» мешітінде жұма намазына қатысып, Хәкім Абайдың рухына арнайы Құран бағыштады....
Қызықты тақырыптар
Мемлекет басшысы Дін істері және азаматтық қоғам министрлігін қайта атау туралы қаулы етті, деп хабарлайды Ақорданың баспасөз қызметі.
Төменде жарлықтың мәтіні көрсетілген....
Қадірлі жамағат! Баршаңызға қасиетті Қадір кеші мүбәрак болсын! Алла Тағала Хақ Елшісіне (Алланың оған салауаты мен сәлемі болсын): «Қадір түні мың айдан да қайырлы» (Қадір, 2-3) – деген аятты нәзіл етіп, мұсылман үмбетін теңдессіз қуанышпен сүйіншілеген. Әлбетте, бұл – Алла Тағаланың мұсылма...
Қазақстан мұсылмандары діни басқармасының төрағасы Серікбай қажы Ораз Ресей Федерациясына жасаған ресми сапары барысында қасиетті жұма күні аталған елдің ең үлкен мешітінде жамағатқа «Рамазан және мұсылман үмбетінің бірлігі» тақырыбында уағыз айтты....
Қазақстан мұсылмандары діни басқармасының төрағасы Серікбай қажы Ораз Алматы қаласында өтіп жатқан XIV Еуразиялық медиафорумға қатысты.
Кеше Алматы қаласындағы «RIXOS» қонақ үйіндегі «BALLROOM» мейрамханасында Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлының атынан дастархан жайылып, ауызашар берілді....
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласының мешіттерін аралап, тарауық намаздарына қатысып, уағыз айтуда....
Намаз уақыттары 
