Сурет: Apple кампусы ежелгі Бағдаттың үлгісімен салынуда ма?
Әлеуметтік желілердегі кейбір бақылаушылар Apple компаниясының жаңадан салынып жатқан кампусының суреттерін ежелгі Бағдаттың суретімен салыстырып, қызықты ұқсастықты байқады, деп хабарлайды Azan.kz.
Стив Джобс құрған компанияның жаңа кампусы қазір Калифорния штатының Купертино қаласында салынып жатыр. Көптеген тілшілердің ойынша, бұл жоба таңдай қақтырады. Компанияның штаб-пәтерінің кешені нағыз кішігірім қала болмақ. Ол үлкен сақина пішінінде салынған.
Алайда, сақина пішініндегі қалалар бұрын да болған. Солардың ішіндегі ең әйгілісі – Аббасидтер халифатының ежелгі астанасы, Ислам өркениеті, білімі және мәдениетінің орталығы. Ол – Бағдат.
Әрине, Бағдат сақина пішінінде салынған Шығыстағы бірінші қала емес. Сақина пішініндегі құрылыстар Сасанидтер дәуіріндегі персиялық қала құрылысы үшін айтарлықтай қалыпты болған. Персия қалалары Еуропа қалаларының дәстүрлі рим-грек сызықтық жоспарлауынан сонысымен ерекшеленген. Алайда, Бағдат ең үлкен әрі танымал қала болса, ал, оның сақинасы ең мінсіз болатын. Белгілі автор муатазилит әл-Джәхиз Сирияда, Византияда және де басқа жерлерде көптеген қалаларды көргенін, бірақ, сондай мінсіз дөңгелекті ешқашан көрмегенін айтқан.
Apple кампусын салушылар үшін Бағдат үлгі болды ма? Кім біледі, оның жанама ықпалы болған шығар. Бірақ, олардың арасында ұқсастық бары айдан анық.
Тақырып бойынша жаңалықтар
Швециялық археологтар жерленген киімінде Алланың аты ойылып жазылған викингтің мазарын тапты. Зерттеушілердің мәлімдеуінше, бұл викингтердің исламға жақын болғандығын көрсететін «таңқаларлық жаңалық» болып табылады, деп хабарлайды Azan.kz The Independent сайтына сілтемемен....
Қызықты тақырыптар
Майкл Барнс Луизиана штатының Александрия қаласында діни христиандық жанұяда дүниеге келді. Олар аптасына үш рет шіркеуге барып тұратын. Майкл Джарвистегі христиандық колледжде оқып, 23 жасында Америка әскеріне жазылды, деп хабарлайды All American Muslim. ...
Намаз уақыттары 
