ТӨРТІНШІ «ПӘТУАЛАР ЖИНАҒЫН» ТАНЫСТЫРДЫ
Алматы Орталық мешітінде өткен кезекті пәтуа сағатында наиб имам Тимур Әлиев жамағатқа жуырда шыққан «Пәтуалар жинағының» төртінші кітабын таныстырды.
Естеріңізге сала кетсек, Астанада өткен Ғұламалар кеңесінің XXХІХ мәжілісінде төртінші «Пәтуалар жинағы» кітабының тұсаукесер рәсімі өткен болатын.
«MUFTIYAT» баспасынан жарық көрген кітаптың тұсаукесеріне арнайы қатысқан ҚМДБ Төрағасы, Бас мүфти Наурызбай қажы Тағанұлы пәтуалар жинағы мұсылман жамағатының рухани өмірінде алатын орны мен рөлі айрықша екенін атап өткен болатын.
Кітапта қоғамдағы мұсылмандық ұстанымға қатысты туындап отырған көкейкесті діни мәселелер жан-жақты талқыланып, шариғат негіздеріне сүйене отырып, шешімі жинақталған. Еңбек дін қызметіндегі имамдарға, имандылық жолында тәлім алушы шәкірттерге, сондай-ақ жалпы мұсылман қауымға арналған.
Мәдениет және ақпарат министрлігінің Дін істері комитеті Дінтану сараптамасының оң қорытындысы берілген және ҚМДБ Сараптау комиссиясы мақұлдаған пәтулар жинағы жамағат сұрағына тұщымды жауап беретіні сөзсіз.
Алматы Орталық мешітінің баспасөз қызметі
Қызықты тақырыптар
Намаз уақыттары 
