Демьена Пирсон: Исламға өшпенді болған кісінің мойындауы
Мен Исламды ең жек көретін адамдардың бірі болған шығармын.
Неге дейсіз ғой?
Неге дейсіз ғой?
Мен Америкада туып, өстім. 2001 жылдың 11 қыркүйегіндегі оқиға болған кезде мен 23 жаста едім. Алайда сол уақытқа дейін бұрын-соңды Ислам жайлы ештеңе білген жоқпын, тіпті «мұсылман» деген сөзді де естімеппін.
Қорыққаным соншалық, сол оқиғадан кейін Христиан дінін қабылдадым... Сол аптаның жексенбісінде шіркеуге бардым (христиан болудың мәнін түсінетінмін, бірақ бұған дейін қабылдаған емеспін).
Өзімнің 3 және 6 жасар балаларымды ертіп алып, «Дәл қазір барлығымызды христиан етіңіз! Егер анау нақұрыс адамдар қайта келіп, бомбылайтын болса, біздің құтқарылатымызға сенімді болуым керек!» - дедім.
Ирақпен болып жатқан соғысты құптайтынмын да, оны бар ерік-жігеріммен жақтайтынмын.
Ауғаныстанды бомбылап жатқанда түні бойы балаларыммен теледидар көріп отырып, оларға: болып жатқан нәрселердің барлығы жақсы, АҚШ-тың жасап жатқаны өте дұрыс деп айтатынмын.
Осылай дей тұра, Таяу Шығыс нақты қайда орналасқанын білмейтінмін. Мен және мен сияқтылардың ойынша, ол Германия жақта болуы мүмкін еді.
Мен Ирақ, Иран, Ауғаныстан, Палестина жайлы ештеңе білмейтінмін. Бірақ мен сол аймақтарда өмір сүріп жатқан адамдар мен өзімнің хабарым болмаған дін жайлы масқара өтірік әңгімені құрастырып, адамдарды жек көргізу үшін қаншама жылымды өткіздім... Онымен қоса, біздің әскердің сол жақтарды талқандап жатқанына мәз едім.
Барак Обама АҚШ президенттігіне сайлауға түскенде бұл жағдайды болдырмауға серт берген едім... себебі ол «мұсылман» еді (яғни әркім солай деп айтып жүрген).
Мен бар болғаны бес-алтыға жуық «өшпенділікке толы» Құран аяттарын білетінмін, бірақ ешкім маған бұдан басқа ақпарат бере алмады... Сол себепті, бір күні мен Құранды қолыма алып, Исламға деген жеккөрушіліктің пайдасы үшін, дәлелдер табу мақсатымен оқи бастадым. Алайда мен бұл мақсатта ештеңе таба алмадым.
Құран маған бұл (мен жек көрген) адамдардың шынайы кейпін көрсетті.
Құран менің жүрегімді және бүкіл өмірімді өзгертті. Маған сендірілген өшпенділікті Құран бізге үйретпейді екен, мен соны түсіндім. Бұрын Інжілдің (Библия) төрт түрлі аудармасын да басынан аяғына дейін оқып шыққанмын, таңқалғаным – онда жазылған оқиғалар Құранда да кездеседі екен.
Құран арқылы мұсылмандарға деген көзқарасым өзгеріп, оларды жақсы көре бастадым.
Осылайша, Таяу Шығыста ақиқатында не болып жатқанын білу үшін ары қарай оқуды жалғастырдым (сонымен қатар, сол аймақтардан келген басқа да христиан, яһуди секілді басқа діндер жайлы іздене бастадым). Яғни, ақырында Таяу Шығыс жайлы шындықты білдім.
Менің ақиқатқа көзім жеткенде... Таяу Шығыстағы болып жатқан жағдаяттардағы біздің үкіметтің рөлін, БАҚ-ң (бұқаралық ақпарат құралдары) біздің миымызды улап, «жабайы мұсылман» кейпін үйреткенін білгенде бірнеше күн бойы ауырып қалдым. Көз жасымды төккенім соншалық, тұла бойымда сұйықтық қалмаған секілді болды. Мен секілді адамдарға жалған ақпарат берілгендіктен, көптеген бейкүнә адамдардың өмірі қиылды. Бұл өмірімдегі басыма келген ең қиын кез болды: айнаға қарағанда өзіңнің шынайы бет пердеңе көзің жеткенмен пара-пар еді.
Мен бұл жайында ешқашан ой жүргізбеппін. Сол кінәсіз адамдардың қаны менің де қолымда қалуы мүмкін деген ойдан жүрегім қынжылады. Бірақ қазір мен ақиқатты жаюға бел будым...басқалар да шындықты біліп, көздері ашылсын деген ниетім еді...
Бізге мүлдем дұшпан емес адамдарды жек көруіміз үшін өтірік айтылғанын білсін... Сол елдерді басып алу үшін біз де қолдау көрсетеді деп жасаған үкіметіміздің құйтырқы әрекеті еді...
Бұрын жалған ақпаратты таратқанымдай, қазір де дәл солай шындықты жайып, көп адамдарды сол ақиқатқа тарту үшін дұға етудемін.
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
Толығырақ
 Предыдущий |
Следующий |
| Жұма күнгі әдеп | Даниэль Лодьюка: Ислам дінін қабылдауға мәжбүр болдым |
Қызықты тақырыптар
Мен ешқашан мұсылман болуға тырыспайтынмын. Тіпті христан дініне де қатысты болғым келмейтін. Жалпы айтқанда, тәртіпке бағынатын қандай да бір дін ұғымы маған ұнамсыз еді....
Әл Хусейн ибн Сәләм Ясриб (Мәдина) қаласының бүкіл тұрғындарына, соның ішінде өзге дін мен халық өкілдерінің арасында айтарлықтай сыйлы, құрметті еврей раввині еді. Ол өзінің діндарлығымен, көркем мінезімен және ерекше шыншылдығымен белгілі болды....
Мен 2006 жылы Исламға келдім, сол үшін Жаратқан Аллаға сансыз шүкіршілік болсын. Менен жүріп өткен жолым жайлы және Алланың маған рақымын қалай түсіргені жайлы жазуды өтінгенде, көңіліме күдік ұялады. Кейбіреулердің Исламға қалай келгендері жайлы айтып, а...
Намаз уақыттары 
