ҚҰРАНДА ЕМІЗУ ЖАЙЛЫ НЕ ДЕЙДІ?
Алла Тағалаға мақтау мен мадақтар болсын, және сүйікті пайғамбарымыз Мұхаммедке Алланың сәлемі мен салауаты болсын.
Расында адам баласының бойына дарыған адами құндылықтар, асыл ананың омырауынан даритыны айдан анық жайт. Ұлын дәретсіз емізбеген Зередей асыл анадан Құнанбай туылды. Асылдан асыл туып Абай хакім атанды. Міне бұл көрініс Зере әжеміздің ислам құндылықтарының тазалық рәсімін бұлдыртпай орындаған тұстамасын көрсетеді.
Алла Тағала қасиетті құран аятының Бақара сүресінде сәбиді омыраулы етуді былай баяндайды: « والْوَالِدَاتُ يُرْضِعْنَ أَوْلادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَةَ - Емізуді тамамдағысы келген кісі үшін; аналар, балаларын толық екі жыл емізеді» яғни сәбиінің емізу уақытын толық еткісі келген адам үшін ол екі жыл. Егер одан бұрын омыраудан шығарып жатса онда еш әбестік жоқ. Ал аятта айтылған екі жыл ол ерікті түрдегі уақыт. Өйткені аяттын жалғасында: «فَإِنْ أَرَادَا فِصَالاً عَنْ تَرَاضٍ مِنْهُمَا وَتَشَاوُرٍ فَلا جُنَاحَ عَلَيْهِمَا - Егер әке-шеше ризалықпен кеңесіп, (омыраудан) айыруды қаласа, сонда екеуіне де күнә жоқ» дейді. Дүниеге келген баланың ең маңызды азығы – өз анасының сүті. Алайда белгілі бір себептерге байланысты өз анасын ему мүмкіндігі болмаса, онда басқа емізуші тауып емізудің зияны жоқ. Бұл қазақи дәстүрімізге де таңсық дүние емес. Өйткені қазақи тәрбиемізде қасиетті «Сүт анасы» деген ұғым бар. Бұл жайында Құран аятында: « وَإِنْ أَرَدْتُمْ أَنْ تَسْتَرْضِعُوا أَوْلادَكُمْ فَلا جُنَاحَ عَلَيْكُمْ إِذَا سَلَّمْتُمْ مَا آتَيْتُمْ بِالْمَعْرُوفِ Ал егер балаларыңды (бөгде әйелге) емізгілерің келсе, хақысын жақсылап тапсырсаңдар, сендерге күнә жоқ», - дейді.
Тіптен дәм тұзы жараспай ажырасқан жағдайда сабиді өз анасы емізгені абзал болып табылады, осындай жағдайда айел сәбиін емізгені үшін сабидің әкесінен емізу ақысын алуға болады делінген. Алла Тағала Құранда Талақ сүресінің 6-аятында: « فَإِنْ أَرْضَعْنَ لَكُمْ فَآتُوهُنَّ أُجُورَهُنَّ وَأْتَمِرُوا بَيْنَكُمْ بِمَعْرُوفٍ وَإِنْ تَعَاسَرْتُمْ فَسَتُرْضِعُ لَهُ أُخْرَى - «Ажырасқан әйелдерің өзінен болған балаларыңды емізетін болса, оларға ақыларын беріңдер. Бұл мәселеде ақылдасып әрекет етіңдер. Егер келісе алмасаңдар, онда баланы басқа бір әйел емізеді» дейді.
Міне осылайша шариғат сабиді емізу тәртіптерін баяндайды. Алайда өз анасынан бөгде адам емізген жагдайда екінші бір маңызды үкім бар. Ол сүт бауырлас болған туыстық. Алла Тағала Ниса сүресінің 23-аятында: «وأمهاتكم اللاتي أرضعنكم وأخواتكم من الرضاعة - сүт емізген аналарың, емшектес қыз, туыстарың» яғни омыраулас болған апке- қарындас үкімі өзімен туыс болған апке-қарындас үкімінде болады. Өйткені баланың физикалық және биологиялық дамуында ана сүтінің әсері үлкен екені бүгінгі таңда медицинада дәлел тапқаны анық. Және сүйікті пайғамбарымыз (оған Алланың салауаты мен сәлемі болсын) хадисінде: «يَحْرُمُ مِنَ الرَّضاعِ ما يَحْرمُ مِن النَّسَبِ - нәсілі, ата-тегі жағынан харам болғандар сүт жолымен де харам болады» делінген.
Қорыта келгенде қасиетті Құран аяттарында сәбидің ана сүтін емуге байланысты уақыты мен маңыздылығы, соған қоса сүт анасы мен омыраулас бауырлар үкімі осылайша баяндалады.
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| БАЛА ЕСІМІ - ӘКЕНІҢ БЕРГЕН БАТАСЫ | ӨМІРЛІК ТАБЫСҚА ЖЕТЕЛЕЙТІН 5 АЯТ |
Қызықты тақырыптар
Намаз уақыттары 
