Бахтияр қари Қасымалиев – «Ақсай» мешітінің бас имамы (ФОТО)
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы хазреттің бұйрығымен Қасымалиев Бахтияр Қыдырбекұлы, Алматы қаласы Наурызбай ауданы «Қарағайлы» мешітінің бас имамы қызметінен босатылып, Алматы қаласы Әуезов ауданы «Ақсай» мешітіне бас имам болып тағайындалды.
Жаңа имамды мешіт ұжымына Алматы қаласының бас имамы Еркінбек қари Шоқай таныстырып, қызметіне табыс тіледі.
Бұған дейін бұл мешітте имамдық еткен Қаңлыбаев Лесбай Ыбрайымұлына қазақы дәстүрге сай құрмет көрсетіп, иығына шапан жапты.
Сондай-ақ, Бас мүфтидің бұйрығымен Қаңлыбаев Лесбай Алматы қаласы, Бостандық ауданы «Орбита-3» мешітіне наиб имам қызметіне тағайындалды.
Қасымалиев Бахтияр Қыдырбекұлы – Жамбыл облысы Меркі ауданында дүниеге келген.
Білімі:
2000-2005 жылдары Шымкент қаласындағы «Дар-аль-арқам» Құран жаттау орталығында Құранды толық жаттады.
2005-2009 жылдары Нұр-Мүбарак Египет ислам мәдениеті университетінде «Исламтану» мамандығы бойынша білім алды.
2008 жылы университет бағдарламасы бойынша Мысыр-Араб мемлекетінде іс-тәжірбиеден өтіп келді.
2017-2019 жылдары Алматы қаласы Шет Тілдері және Іскерлік Карьера университетінің «Дінтану» магистрі атанды.
Еңбек жолы:
2009-2010 жылдары «Әбу-Ханифа» медресесінде ұстаздық қызмет атқарды.
2010-2017 жылдары Алматы Орталық мешітінде наиб имам қызметінде болды.
2017 жылы Алматы қаласы Әуезов аудандық «Ақсай» мешітіне бас имам қызметіне тағайындалды.
2018-2020 жылдары Алматы қаласы Наурызбай ауданы «Қарағайлы» мешітінде бас имам қызметін атқарды.
Жетістіктері:
Халықаралық және республикалық Құран жарыстарының жеңімпазы.
2011 жылы Алматы қаласында өткен IV республикалық Құран жарыста 30 пара бойынша бірінші орын жеңімпазы.
Отбасылық жағдайы:
Отбасылы, екі қыз, бір ұлы бар.
Қызықты тақырыптар
Намаз уақыттары 
