ҰЛТТЫҚ МЕРЕКЕМІЗ – РЕСПУБЛИКА КҮНІ ҚҰТТЫ БОЛСЫН

25.10.2022 871 0

– | A | +

Наурызбай қажы ТАҒАНҰЛЫ,

ҚМДБ Төрағасы, Бас мүфти

Құрметті қауым! Қадірлі бауырлар!

Сіздерді еліміздің ұлттық мерекесі – Республика күнімен шын жүректен құттықтаймын! Алла Тағала елімізге амандық, жұртымызға тыныштық нәсіп етсін! Жаратушы Иеміз байтақ Отанымыз тәуелсіз Қазақстанның халқына бақ-береке бергей!

25 қазан – Республика күні араға 13 жыл салып, ұлттық мереке ретінде қайта оралды. Президентіміз Қасым-Жомарт Тоқаев Ұлытауда өткен Ұлттық құрылтайда: «Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек», – деген болатын. 29 қыркүйек күні Мемлекет басшысы тиісті заңға қол қойып, Республика күнін ұлттық мерекелер қатарына қосты.

Біз үшін Тәуелсіздігіміздің алтын тұғыры саналатын, елдігіміздің бастауы саналатын Республика күнінің маңызы зор. Себебі 1990 жылдың 25 қазанында Қазақ КСР Жоғарғы Кеңесінің шешімімен «Қазақ КСР-нің мемлекеттік егемендігі туралы» декларация қабылданған болатын. Осы күннен бастап болашақ тәуелсіз елдің іргетасы қаланып, елдің мемлекет құру жолындағы тарихи қадамы жасалды. Қазақстан дербес мемлекет ретінде орныға бастады. Сондықтан бұл күнге ерекше құрметпен қарап, еркіндіктің, егемендіктің бастауы ретінде аса мән беруге тиіспіз.

Республика күні – еліміздің игілігі, баға жетпес құндылық. Сол себепті бұл күннің мән-маңызын жас ұрпаққа көбірек дәріптеп, ұлттық рухты асқақтататын, айбынымызды асыратын іс-шаралар ұйымдастырып, жоғары деңгейде атап өтуіміз шарт. Себебі дана халқымыз айтқандай, «Отан отбасынан басталады». Алла Тағала Отанымызды шын сүйіп, елімізге адал қызмет етуді нәсіп етсін!

Алла Тағала еліміздің егемендігін баянды етіп, халқымызға амандық, жерімізге тыныштық бергей! Әмин!

ДЕРЕККӨЗІ muftyat.kz

ҚМДБ ресми сайты

Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Толығырақ

Предыдущий	Следующий
АДАСҚАННЫҢ АЙЫБЫ ЖОҚ, ҚАЙТЫП ҮЙІРІН ТАПҚАН СОҢ	ТАБИҒАТТЫ АЯЛАУ – АМАНАТ
28.10.2022 1396 0	21.10.2022 650 0

Оқырмандардың пікірі (0)

Қызықты тақырыптар

Қоғам КЕЛІСІМ – КЕЛЕШЕК КЕПІЛІ

Наурызбай қажы ТАҒАНҰЛЫ, ҚМДБ Төрағасы, Бас мүфти

18.10.2022 665 0

Қоғам Президент Астанадағы саммитте қандай мәселе көтерді?

Мемлекет басшысы Қасым-Жомарт Тоқаев "Орталық Азия - Ресей" саммитінде бірқатар мәселені көтерді.

14.10.2022 938 0

Қоғам СЪЕЗД ДІНИ САЛАҒА СЕРПІН БЕРДІ

14-15 қыркүйек күндері елордамызда Әлемдік және дәстүрлі дін лидерлерінің кезекті VII съезі өтті. Елімізде әр үш жыл сайын дәстүрлі түрде өтіп кеде жатқан халықаралық жиынның осы жолғы тақырыбы Әлемдік және дәстүрлі діндер лидерлерінің пандемиядан кейінгі кезеңдегі адамзаттың рухани және әлеуметтік ...

22.09.2022 589 0

Қоғам ЕҢБЕК – ЫРЫС ҚАЗЫҒЫ

«Уа, иман келтіргендер! Жұма күні азан айтылып, намазға шақырылған кезде, дереу Алланы еске алуға асығыңдар, шаруаларың мен сауда-саттықты доғара тұрыңдар. Біле білсеңдер, бұл сендер үшін әлдеқайда жақсы. Намаз өтелген соң, жер жүзіне таралыңдар да Алланың рақымынан ризық-несібелеріңді іздеңдер. Бұғ...

16.09.2022 1 353 0

Қоғам БІЛІМ АЛУДЫҢ АРТЫҚШЫЛЫҒЫ

Кемел дініміз Ислам мұсылман ер мен әйелді ілім, білім алуға, сауатты болуға шақырады. Шариғат тілінде білім сөзі – бір мәселені жан-жақты, анық-қанығына дейін жіті түсіну деген мағынаны білдіреді. Мұсылманды білім ізденуге жігерлендіретін аят-хадистер жетерлік....

16.09.2022 1 034 0

Қоғам ҚАБІРДЕН АРЫ НЕ ӨТЕДІ?

Адамның сөзі мен іс-әрекеті оның кім екенін көрсетеді. Алайда әдемі сөйлеп те, кісі көзі үшін боямалап әрекет жасауға да болатыны белгілі. Дінімізде «рия» деп аталар бұл қауіпті кемшіліктен құлан-таза адам кемде-кем. Тіпті бір қырынан қарағанда «мұсылманның өмірі – осындай олқылықтардан арылудың, іш...

15.09.2022 1 033 0