Әбу Бәкір мешітінде Алтын Орданың 750 жылдығына орай тарихи көрме ұйымдастырылды (ФОТО)
Кеше Алматы қаласы, Наурызбай ауданының «Жастар ісі» секторы ҚМДБ-ның 30 жылдық мерейтойына орай еріктілердің қатысуымен мәдени шара өткізді.
Биылғы жылды өз кезегінде тарихи оқиғаларды жандандыру жылы деп атасақ та болады. Өйткені, биыл әл-Фарабидің 1150, Алтын Орданың 750, Хәкім Абайдың 175 жылдығыy және Қазақстан мұсылмандары діни басқармасының құрылғанына 30 жыл толуын еліміз ерекше аталып өтпек.
Осы тұрғыда еліміздің Президенті Қ.Тоқаев 2020 жылды ЕРІКТІЛЕР жылы деп жариялағанын ескере отырып, еліміздің еріктілеріне Қазақ жерінің тарихи орындарын насихаттап, сол арқылы дүние жүзіне әйгілі ету мақсатында ерікті жастарға «Алтын Ордаға 750 жыл» атты тарихи және рухани шара өткізілді.
Сонымен қатар, ерікті жастарға 12-18 ғ.ғ. ата-бабаларымыздың күнделікті тұрмыс-тіршілігінде қолданған бұйымдары мен шариғатқа байланысты білімдерін ашқан кітаптардан көрме ұйымдастырылып, рухани тарихымыз да тілге тиек етілді.
Иә, Ұлы ғұлама Мұхаммед Хайдар Дулати: «Тарих – ата-бабаларымыздың дүние танымы» дегеніндей Қазақ халқының бастауы – Алтын Орданы бір жыл ғана еске алып, қалған уақытта ұмыт қалдыру өткен тарих алдында ұятты іс екені анық.
Осындай асыл құндылықтарымыздың бағасын арттыру – сіз бен біздің рухани дүниеміз бен отансүйгіштігімізге, атадан қалған аманаттардың қадіріне жете білу сезіміне байланысты екені даусыз.
Әбу Бәкір мешітінің баспасөз қызметі
Қызықты тақырыптар
Намаз уақыттары 
