Алматы: Бас имам ерікті имамдарға сыйақы беріп, алғыс айтты (ФОТО)
Алматы қаласының бас имамы Төлеби Оспан Құрбан айт күндері қызмет еткен жандарға 27.07.21 күні қаржылай сыйақы беріп, алғыс білдірді.
Құрбан айт шарасына атсалысқан мамандарға Бас мүфти Наурызбай қажы Тағанұлы атынан алғыс айтып, дастархан жайды.
Азаматтар Құрбан айт күндері қажымай мұқтаж отбасылардың үйіне етті дер кезінде жеткізіп, құрбан шалушылардың аманатын уақтылы орындады.
Еске сала кетейік, «QURBAN-2021» онлайн қайырымдылық акциясы аясында Алматы қаласы өкілдігі бойынша 703 уақ мал (520 қой, 183 ешкі), 37 ірі қара (сиыр) құрбандыққа шалынып, 3163 отбасыға 19 тонна (19.610 кг) және 24 мекемеге (3,2 тонна) құрбандық еті таратылып, көмек көрсетілді.
Одан өзге қала мешіттеріне тұрғындардан 10 тоннаға жуық (9,947 кг) ет әкелініп, 1762 отбасыға үлестірілді. Жалпы алғанда 4925 отбасына 29 тоннадан астам етпен қамтылды.
Қызықты тақырыптар
Намаз уақыттары 
