АЛМАТЫ: БАС МҮФТИ ҚОС ПӘТЕР КІЛТІН ТАБЫСТАДЫ
Бүгін Бас мүфти Наурызбай қажы Тағанұлы Алматы қаласына жасаған сапары аясында «Ел Үлесі - пәтерге» акциясымен қос пәтердің кілтін табыстады.
Қасиетті Рамазан айы қарсаңында ҚМДБ «Зекет және қайырымдылық» қоры, Алматы қаласы бойынша өкілдігі «Ел үлесі – пәтерге» акциясы аясында Республика бойынша 540, 541-баспана кілті иелеріне берілді. Қуанышқа бөленген жаңа пәтер иелері Мамырбаева Эльмира мен Маралова Гүлжауһар баспанаға мұқтаж көпбалалы аналар. Алматы қаласы бойынша 15, 16 - баспананы табыстаған Бас мүфти Наурызбай қажы Тағанұлы құттықтау сөз сөйлеп, қоныс иелеріне ақжарма ақ тілегін арнады. «Жаңа пәтерлеріңізді Алла құтты етсін, іші жанға сырты малға толсын. Өсіріп отырған ұл-қыздарыңыз елге қайырлы азамат болып өсе берсін. Қолдау көрсеткен баршаңызға Алла разы болсын», - деді Бас мүфти. Айта кетсек, қайырымдылық шарасы Алатау және Түрксіб аудан имамдарының тікелей ұйытқы болуымен жүзеге асырылды. Игі істеріне Алла мол сауаптан жазсын!
Алматы Орталық мешітінің баспасөз қызметі
Қызықты тақырыптар
Намаз уақыттары 
