АЛМАТЫ: «ЕЛДІГІМІЗ – БІРЛІКТЕ» ТАҚЫРЫБЫНДА ДӨҢГЕЛЕК ҮСТЕЛ ӨТТІ
Бүгін Алматыдағы Ұлттық кітапханада ҚР Президенті Қ.К.Тоқаевтың 2022 жылғы 11 қаңтардағы «Қасіретті қаңтар» сабағы: қоғам тұтастығы – Тәуелсіздік кепілі» атты Үндеуіне арналған «Елдігіміз-бірлікте» тақырыбындағы дөңгелек үстел өтті.
Іс-шараға ҚМДБ Төрағасының орынбасары, наиб мүфти Кенжеәлі қажы Қоңыратбайұлы, Алматы қаласының бас имамы Төлеби Дәділұлы және қоғам қайраткерлері, шығармашылық өкілдері, Ұлттық кітапхана қызметкерлері, БАҚ өкілдері қатысты.
Бас Мүфти Наурызбай қажы Тағанұлының сәлемін жеткізген наиб мүфти Кенжеәлі қажы Қоңыратбайұлы баяндама жасап, ел тыныштығы мен тұрақтылығын сақтау жолына арналған мүфтият бастамаларына тоқталды. «ҚМДБ 2022 жылды Ислам – ынтымақ және бірлік діні деп жариялады. Ел тыныштығы мен бірлігін сақтауда мүфтият бірқатар шараларды қолға алды. Елдегі төтенше жағдай кезінде Бас мүфти бастамасымен дін қызметкерлері қайырымдылық шараларын атқарды», - деп атап өтті.
Дөңгелек үстелдің мақсаты – Мемлекет басшысының Үндеуінде айтылған реформалық міндеттер мен Үкіметке берілген тапсырмаларды шұғыл әрі тиімді жүзеге асырудың орындалу тетіктері жайында қоғам қайраткерлері мен зиялы қауым өкілдерінің ұсыныс-пікірлерімен бөлісуі, билік пен халық арасына ашық диалог платформасын ұйымдастыру болып табылады.
Алматы Орталық мешітінің баспасөз қызметі
Қызықты тақырыптар
Намаз уақыттары 
