АЛМАТЫ: ОНЛАЙН КУРС ЖОБАСЫ АЯҚТАЛДЫ
Құрметті Құран сүйер қауым, осы 2022 жылдың ақпан айының басында Алматы Орталық мешіті мен "Қари" қайырымдылық қорының ұйымдастырған жобасы әйелдерге арналған онлайн Курс жобасы өз мәресіне жетті.
2 айлық курста бастауыш, жалғастырушы, жаттау және ижаза алу тобы мен 6-12 жасқа дейінгі балалар тобында барлығы 608 оқушы білім алды. Оның Алматы қаласынан 170, Нұр-Сұлтан 23, Шымкент 39, Алматы облысы 89, Ақтөбе облысы 12, Атырау облысы 31, Жамбыл облысы 20 , Ақмола 5, БҚО 28, Түркістан облысы 58, ШҚО 17, Маңғыстау облысы 38 , Қарағанды облысы 40, Қызылорда облысы 29, Қостанай 3, Павлодар 5, СҚО 1 тіркелді. Оның ішінде 61 оқушы 6-12 жасқа дейінгі балалар болса, 547 азаматша 12 жастан жоғарғы ересектер. Оқушыларымыз мектеп оқушылары, студенттер, жұмыс істейтін азаматшалар, үйде бала күтімінде отырған аналар мен зейнеткерлер. Сабақ qari.umma инстаграм парақшада сақталған, кез-келген өзіне ыңғайлы уақытта сабақты көріп, ұстазбен кері байланыс жүргізіліп отыр.
1 ақпаннан бастап күнде онлайн qari.umma инстаграм парақшасында Арайлым қари Өмірбекқызы 75-80 адамның қатысуымен Құран хатым түсірді. Құран хатымды Алматы қаласының бас имамы Төлеби Оспан Дәділұлы, Алматы қаласы Орталық мешітніің бас ұстазы Талғат Сапанов және «Қари» қайырымдылық қорының Президенті Ержан Есенгелдіұлы бірге отырып бағыштады. Қазіргі таңда жаңа топқа оқушылар қабылдап жатыр, үйренемін деген ниеттеріңіз болса Айман 87710707999 номеріне хабарласып тіркеліңіздер. Рамазан айында Құранға түсуді Алла нәсіп етсін!
Алматы Орталық мешітінің баспасөз қызметі
Қызықты тақырыптар
Намаз уақыттары 
