ІХ республикалық Құран жарысының Алматы қаласы бойынша іріктеу сайысы өтеді
ҚМДБ-ның Алматы қаласы өкілдігі ұйымдастыруымен 2020 жылдың 2 сәуір күні Аламты қаласы, "Д.Қонаев" мешітінде Құран Кәрімді жатқа және мәнерлеп оқу бойынша ІХ республикалық Құран жарысының Алматы қаласы бойынша іріктеу сайысы өтеді.
Сайыс Құран Кәрімнің 30 парасын, 20 парасын, 10 парасын жатқа оқу және мәнерлеп оқу секілді 4 номинация бойынша ұйымдастырылады.
Құран жарысына қатысушыларға қойылатын талаптар:
- Құранды жатқа айтуына, тәжуидімен көркем оқуына баса мән беріледі;
- Үміткер ҚР ер азаматы болуы тиіс;
- үміткердің 30 жастан аспаған болуы;
- үміткер өз номинациясы бойынша республикалық, халықаралық жарыстарда жүлделі орын алмаған болуы керек;
- үміткер жарысқа тек бір номинация бойынша ғана қатыса алады.
Сондай-ақ, іріктеу сайысына үміткерлер қазақы киім үлгісінде ғана қатыса алады.
Қажетті құжаттар: Үміткердің анкетасы, Жеке куәлік көшірмесі.
Жоғарыда аталған құжаттар үміткерден 2020 жылдың 25 наурызға дейін Islam-abuhanifa@mail.ru электронды поштасы бойынша қабылданады. Жарыс жеңімпаздарына ұмра қажылығына жолдама және қаржылай сыйлықтар табысталып, арнайы сертификаттар беріледі. Сондай-ақ, әр номинация бойынша үздік жүлдегерлер 17-19 сәуір күндері Алматы қаласы Орталық мешітінде өтетін ІХ республикалық Құран жарысына жолдама алады.
Пайғамбарымыздың ﷺ хадисінде "Сендердің ең жақсыларың – Құранды үйреніп әрі оны үйреткендерің» деп айтылғандай баршаңызды қайырлы іске атсалысып, Алланың разылығын алуға шақырамыз.
Қосымша ақпарат үшін: +7 702 758 38 58 – Ахметов Серік қари;
+7 778 587 51 21 – Бақыт Жанатбекұлы.
Алматы Орталық мешітінің баспасөз қызметі
Қызықты тақырыптар
Намаз уақыттары 
