КӘСІПКЕРЛЕРГЕ «УАҚЫП ҚОРЫ» НАСИХАТТАЛДЫ
Түрксіб ауданы «Абдулла» мешітінде кәсіпкерлерге арнап «Уақып қорының» маңыздылығы мен қажеттілігі жөнінде үгіт-насихат жұмыстары жүргізілді.
Асыл дініміз Исламда қайырымдылық атаулының ең құрметтісі уақып деп танылады. Ол туралы Алла Тағала қасиетті Құранның «Бақара» сүресі, 267-аятында: «Уа, иман келтіргендер! Маңдай терлеріңмен тапқан малдарыңды және біздің сендер үшін жерден шығарғандарымызды Алла жолында сарп етіңдер!» – деп айтқан. ҚМДБ бастамасымен «Уақып қоры» нақты жобалар бойынша өз жұмысын атқарып келеді. Осы бағытта қолдау және насихат жұмыстарын жетілдіру мақсатында аудандық кәсіпкерлермен кездесу өтті. «Нұр-Мүбәрак» Египет ислам мәдениеті университетінің ұстазы, магистр Қуат Қабдолда уақыптың мән-мағынасын ашып, ислам тарихындағы уақып жайлы сөз қозғады. «Тілдік тұрғыда «уақып» сөзі ұстау, тоқтату, кедергі болу деген мағыналарды білдірсе, шариғатта белгілі бір мүлікті (жарамсыз болып қалғанға дейін) үздіксіз қайырымдылық жолында пайдалануды уақып деп айтамыз», - деді «Уақып қорының» Алматы қаласы бойынша жауапты өкілі Талғат Сапанов.
Осы орайда кәсіпкерлерге уақыптың маңыздылығы мен қажеттілігін айта келе, кәсіпкерлерлерге «Уақып қорына» мүмкіндігінше қолдау білдіруге шақырды.
Алматы Орталық мешітінің баспасөз қызметі
Қызықты тақырыптар
Намаз уақыттары 
