НАИБ МҮФТИ «БЕКЕТ АТА» МЕШІТІНДЕ ЖҰМА УАҒЫЗЫН ЖҮРГІЗДІ
Наиб мүфти Кенжеәлі қажы Қоңыратбайұлы Алатау ауданы «Бекет ата» мешітінде жұма намазын оқып жамағатқа «Адал ризық және адал кәсіпкерлік» тақырыбында жұма уағызын айтты.
«Жүрек – адам денесінің патшасы. Оның дұрыс болуы пенденің бүкіл іс-әрекетінің дұрыстығына, бұрыс болуы бүкіл ісінің бұрыс болуына әсер етеді. Әбу Һұрайра (Алла оған разы болсын): «Жүрек – патша. Ағзалар оның әскері. Егер патша жақсы болса, әскері де жақсы болады. Ал егер патша әлсіз болса, әскері де әлсіз болады», – дейді (Байһақи, Шуабул-иман). Ендеше, тәніміз сау болуы үшін, алдымен жүрегіміз сау болуы қажет. Ал жүрегіміз дұрыс болуы үшін ең алдымен жейтін асымыз адалынан болуы керек», - деп атап өтті наиб мүфти.
Берекелі жұманың күнінде Астана қаласында өткен еркін күрестің 79 келі салмақта Азия чемпионатының Алтын жүлдегері Болат Сақаев пен 74 келі салмақта бақ сынап алтын медаль иегері болған Есенғали Айдос палуандарға қазақы нақыштағы ұлттық шапандар жабылып, алдағы әлем біріншілігі мен олимпиада ойындарында елдің көк туын желбірету нәсіп болсын деп бата берілді.
Жұма намазының соңында Кенжеәлі қажы Қоңыратбайұлы жамағатпен естелік фотоға түсті.
Алматы Орталық мешітінің баспасөз қызметі
Қызықты тақырыптар
Намаз уақыттары 
