Орталық мешіттегі жазғы курс
Балаға тал бесіктен тәрбие беруді құп көретін қазақ халқы жас ұрпақтың ілім алуына аса мән берген. Оған Орталық мешітімізде өткізіліп жатқан дәріске келуші шәкірт саны дәлел бола алады. Қыз балалар саны 30 болса, болашақ ел тізгінін ұстар ер балалардың саны 40-қа жетіп отыр. Мешітіміз тек қазақ тілінде емес, орыс тілінде де 16 шәкіртке сабақ беруде. Жалпы, 86 шәкірт алғашқы діни сауатын ашып, мұсылмандық әдептермен танысуда. Балаларға бас ұстаз Сапанов Талғат, Үйсінбаев Берік, орыс тобына Қумашев Азамат сабақ берсе, қыз балаларға Оспанова Алтыншаш, Асанова Шамшырақ дәріс жүргізеді .Сонымен қатар, Нұр-Мүбаракт Египет ислам мәдениеті университетінен келген іс-тәжірибеден өтуші Көшкінбаев Азамат, Ақын Ақберді өскелең ұрпақтың өмірлік жолында нұсқаушы болар асыл дініміздің танымы мен тағылымын баян етіп, ілімге деген ынтасын оятуда.
Балаларға дәріс таңғы 10:00 ден 13:00-ге дейін болады. Балаларға дәстүрлі дініміздің құндылығымен таныстыратын иманшарт, көркем мінез, араб әліппесі, тәжуид сабақтары өткізіледі. Адамзат баласына ақиқатты танытар қасиетті Құран мен қажетті дұғалар үйретіледі. Шәкірттерге күнделікті бір мезгіл тәттілер мен сусындар беріліп, ынталандыру сыйлықтары ұсынылады. Аталмыш курстар 18-ші маусымнан бастап 18-ші шілдеге дейін жалғасады.
Алматы Орталық мешітінің баспасөз қызметі
Қызықты тақырыптар
Бүгін Алматы қаласы әкімдігі және ҚР БҒМ ҒК Философия, саясаттану және дінтану институты бірлесе отырып «Дін саласындағы мемлекеттік саясат және қоғамдық сананы жаңғыртудың өзекті бағыттарының бірі ретінде «Діни қызмет пен діни бірлестіктер мәселелір бойынша ҚР кейбір заң актілеріне өзгерістер мен т...
Қазақстан мұсылмандары діни басқармасының төрағасы Серікбай қажы Ораз Шымкент қаласында өткен «Бауырлас елдердің рухани ортақ құндылықтары» атты халықаралық форумда Түркістан облысының имам-молдаларына дәріс берді....
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді....
Қазақстан мұсылмандары діни басқармасының төрағасы, Бас мүфти Серікбай қажы Ораз хазреттің бастамасымен әлеуметтік жағдайы төмен 500 отбасыға халықтың берген пітір садақасынан жәрдем берілді....
Бүгін Қазақстан мұсылмандары діни басқармасының төрағасы Серікбай қажы Ораз Шымкент қаласында өткен «Бауырлас елдердің рухани ортақ құндылықтары» атты халықаралық форум аясында Өзбекстан мүфтиі Усманхан қажы Алимовпен кездесті....
Қасиетті Рамазан айының соңғы күнінде Алматы қаласындағы «Әл-Мәдина» мешітінің бас имамы Бақытжан Көптілеуовтің ұйымдастыруымен және белгілі әнші Ернар Айдар мен Талғат Айдардың демеушілігімен қасиетті Құран Кәрімнің 30-шы парасы және «Духа» мен «Нәс» сүресіне дейін Алматы қаласы, Жетісу ауданы меші...
Намаз уақыттары 
