ҚМДБ ТӨРАҒАСЫ БЕЛГІЛІ ҒАЛЫММЕН СҰХБАТТАСТЫ (ФОТО)
Бүгін Алматы қаласында Бас мүфти Наурызбай қажы Тағанұлы белгілі ғалым, ғылым докторы, бірнеше жыл әл-Азһар университетінде оқытушы болған Энаятулла Азаммен сұхбаттасты.
Кездесуде ғылыми кітаптарды аудару, Құран тәпсірі мен хадис ілімін шәкірттерге ерекше тәсілмен түсіндіру, уағыз-насихат жұмыстарын жетілдіру, араб тілін заманауи әдістермен оқыту, т.б. мәселелер талқыланды.
Бас мүфти мұсылман жамағатына пайдалы, ғибратты кітаптар жазудың маңыздылығын айрықша атап өтті.
«Біз қазір діни салада ғылымды дамытуға ерекше назар аударып отырмыз. Осы бағытта қолға алған игі бастамаларымызды жүзеге асыруға өз тарапыңыздан үлкен үлес қосасыз деген үміттемін» деді ҚМДБ Төрағасы Наурызбай қажы Тағанұлы.
Басқосу соңында тараптар ортақ ғылыми жобаларды жүзеге асыруға уағдаласты.
Қызықты тақырыптар
Намаз уақыттары 
