ТӨЛЕБИ ОСПАН "ҚАЛҚАМАН" МЕШІТІНДЕ ЖҰМА УАҒЫЗЫН ЖҮРГІЗДІ
Алматы қаласының бас имамы Төлеби Дәділұлы «Қалқаман» мешітінде жамағатқа жұма уағызын айтып, жұма намазын жүргізді.
Наурызбай ауданына қарасты «Қалқаман» мешітінің жамағаты қасиетті жұмада «Білім алу - әрбір мұсылманға парыз» тақырыбында жұма уағызын тыңдады. Қаланың бас имамы Төлеби Дәділұлы асыл дініміз исламда мұсылман адамның білім алып, оған амал етуінің маңызына кеңірек тоқталды.
«Хадис шәріпте: «Білімді талап ету – әрбір мұсылманға парыз», – деп, білім алудың әрбір ер және әйел мұсылманға міндет екенін айтқан (имам Ибн Мәжа). Білім алу – парыз. Қандай білімді? Ең әуелі мұсылмандығын дұрыс атқаратындай бес парызын дұрыс үйрету. Одан кейінгі кезектегі парыз білім – елге қажетті мамандықты меңгеру. Шариғи кітаптарда, қари жоқ ауылға Құран жаттау бүкіл еркек кіндіктіге парыз. Дәрігері жоқ ауылда, дәрігерлік парыз деп айтқан. Демек, ел мен мемлекетке қажетті мамандықтарды меңгеру арқылы, сол саладағы кемшілікті толықтыру парыз. Бір ауыз сөзбен, шариғатымыз білім парыз деумен бірінші кезекте ауадай қажет білімдерді айтқан екен», - деді.
Жамағатпен жұма намазы оқылып, ел тыныштығы мен бірлігі үшін бата жасалды.
Алматы Орталық мешітінің баспасөз қызметі
Қызықты тақырыптар
Намаз уақыттары 
