Жамағат арасында мүшайра басталды
Қазақстан мұсылмандары діни басқармасы Алматы қаласы өкілдігі мен Алматы қаласы Дін істері жөніндегі басқармасының қолдауымен, Орталық мешіт пен «Алматы және қоғам» қоғамдық бірлестігі Алматы қаласы мешіттерінің 15-50 жас аралығындағы жамағаттар арасында Қазақ халқының ағартушыларының (Абай Құнанбайұлы, Шәкәрім Құдайбердіұлы, Ыбырай Алтынсарин) өлеңдерін жатқа айту бойынша мүшәйра жүргізіліп жатыр. Осы орайда аудандық мешіттерде іріктеу сайыстары өтуде.
Игі шара ең алғаш Наурызбай ауданынан бастауын алып, мүшайраның кезекті сайысы Алатау ауданының Қонаев атындағы мешітінде жалғасын тапқан болатын. Бүгінгі іріктеу сайысы Бостандық ауданы Бәйкен мешітінде әртүрлі жастағы жамағаттың қазақ халқының ақын - ағартушылар өлеңдерін нақышына келтіріп жатқа айтуымен ерекше өтті.
Байқау барысында қатысушылар сайыста өлеңді құр жатқа айтпай, қазылар алқасының ағартушы ақындарымыздың өмірінен, шығармашылығынан сұрақтарға жауап беріп отырды. Әр өлеңін мәнерлеп оқып және әр сөздің тереңділік мағынасын талдап берді.
Бұл іс-шараның басты мақсаты: Мешіт жамағатының классикалық және заманауи әдеби шығармаларды оқуға қызығушылығын ояту және әдеби сала бойынша ой-өрісін кеңейту, сонымен қатар Қазақ халқы ағартушыларының шығармаларын оқуға бейімдеу болып табылады.
Ендігі кезекте қаламыздың басқа да аудандық мешітерінің жамағатына сәттілік тілейміз!
Алматы орталық мешіті баспасөз қызметі
Қызықты тақырыптар
Намаз уақыттары 
