БАРШАҒА ОРТАҚ ҚҰНДЫЛЫҚ
Наурызбай қажы ТАҒАНҰЛЫ,
ҚМДБ Төрағасы, Бас мүфти
Қадірлі отандастар!
Барша қауымды Конституция күнімен шын жүректен құттықтаймын! Әр отбасыға бақыт пен береке тілеймін!
Әділдік пен теңдік – бәрімізге ортақ құндылық. Расында, әр азамат әділдік пен теңдікті өзінен, өз отбасынан бастауы керек. Сонда ғана қоғамда игілік салтанат құрады.
Пайғамбарымыз Мұхаммед (оған Алланың салауаты мен сәлемі болсын) қоштасу қажылығында: «Уа, адамдар! Сендердің қандарың, жандарың, мал-мүліктерің Раббыларыңның құзырына барғанша, яғни қияметке дейін бір-біріңе қол сұғуға, осы күннің құрметіндей, осы айдың құрметіндей, харам (тыйым) етілді. Сендер Раббыларыңмен кездесесіңдер, Ол амалдарыңның есеп-қисабын сұрайды» деп өсиет еткен.
Бұл – Алла елшісінің (оған Алланың салауаты мен сәлемі болсын) мұсылман баласына, өз үмбетіне айтқан соңғы насихаты. Ата заңымызда да адам және оның өмірі, ар-намысы бірінші кезекте тұрады.
Азаматтық қоғам қалыптастыру, ар-ождан құндылығын жоғары орынға қою – баршамызға ортақ іс. Алла Тағала игі істерімізге береке берсін. Жаратушы Жаббар Иеміз жұртымызға жар болып, жақсылығын жаудырғай! Әмин!
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| САЛАУАТ АЙТУДЫҢ МӘНІ НЕДЕ? | ЗӘМЗӘМ СУЫ НЕ ҮШІН ҚАСИЕТТІ? |
Қызықты тақырыптар
Намаз уақыттары 
