ТҰР тауының ғарыштан түсірілген кескіні – «АЛЛАҺ» жазуына ұқсайды
Мысыр археологтар ұйымының мүшесі, жазушы һәм тарихшы ғалым Ғимад Мәһди ғарыштық спутник арқылы Синай түбегін суретке алу барысында мұғжизалы ұлы жаңалық ашады. Ол Солтүстік Синай түбегінен Мұса пайғамбар мен Қызырдың жолыққан жерін іздеу үстінде, Синайдағы Тұр тауының табиғи түзілуіне зер салып, оның ғарыштан түсірілген кескені – «Аллаһ» жазуына ұқсас екенін анықтайды.
Расында Тұр тауында Мұса пайғамбарға Тәурат кітабы түсіп, осы тауда Мұса пайғамбар Алламен тікелей тілдеседі. Сондай-ақ, Құран аяттарында айтылғандай, Тұр тауын Алла Тағала Исрайл ұрпақтарының үстеріне көтеріп (төндіріп), серт те алады.
Тұр тауының Құран аяттарында келуі:
(Алла Тағала Мұсамен тілдескен) Тур* тауына серт!
«Тур» сүресі, 1-аят
*«Тур» сөзі – «тау» дегенді білдіреді әрі Синай түбегіндегі Мұса тауының аты (Тұр тауы, Синай тауы).
Синай тауына серт!
«Тин» сүресі, 2-аят
Оны [Мұсаны] Тұр тауының оң жағынан шақырып, құпия тілдескелі жақындаттық.
«Мәриям» сүресі, 52-аят
Һәм (есіңе ал, уа, Пайғамбар) Біз олардың [Исраил ұрпақтарының] үстеріне бұлт тәрізді тауды (қопара) көтерген едік. Олар оны үстеріне құлап кетер деп ойлады. (Сонда Біз оларға былай дедік): «Біздің өздеріңе бергенімізді [Тәуратты] бекем ұстаңдар да, ішіндегіні еске сақтаңдар, бәлкім, (Алланың жазасынан) сақтанарсыңдар!»
«Ағраф» сүресі, 171-аят
Және (естеріңе алыңдар) сендерден (уа, Исраил ұрпақтары) серттеріңді алған едік, (қабылдаудан бас тартқандарыңда) үстеріңе Тұр тауын көтеріп: «Өздеріңе бергенімізді [Тәуратты] мықтап алыңдар да, оның ішіндегіні есте ұстаңдар, бәлкім, (жазамыздан) сақтанарсыңдар!» – (деген едік).
«Бақара» сүресі, 63-аят
Сондай-ақ (ол су арқылы) Синайдың Тұр тауынан май және жеушілер үшін дәмдеуіш беретін ағаш [зәйтүн ағашын] өсірдік.
«Муминун» сүресі, 20-аят
Мұса белгіленген мерзімге жеткен кезде, Раббысы онымен тілдесті. (Мұса): «Раббым! Маған көрінші, Саған қарайын», – деді. (Алла Тағала): «Сен Мені бұл дүниеде көре алмайсың, бірақ тауға қара. Егер ол орнында мызғымай қалса, онда сен Мені көресің», – деді. Ал Раббысы [нұры] тауға көрінгенде, оны тас-талқан етті де, Мұса есінен танып құлады. Һәм есін жиған сәтте: «Сен пәксің (Раббым)! Саған тәубе қылдым және мүміндердің ең алғашқысымын», – деді.
«Ағраф» сүресі, 143-аят
1 - Тұр тауы (қызыл шеңбер)
Тұр тауы (ақ шеңбер)
Тұр тауының ғарыштан түсірілген кескіні – «Аллаһ» жазуына ұқсайды
Тұр тауы (Синай тауы, Мұса тауы)
Дайындаған: Б.Мырзақұл
Жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.
 Предыдущий |
Следующий |
| ҚЫРЫҚ ҚАСИЕТІ БАР ДҰҒА | ҚЫРЫҚ ҚАСИЕТІ БАР ДҰҒА |
Қызықты тақырыптар
Намаз уақыттары 
