Алматы: тігін курсының 14 түлегіне сертификат табысталды (ФОТО)
Алматы Орталық мешіті жанынан құрылған «Тігін» шеберханасына қатысып, шеберлігін шыңдаған 14 түлекке сертификат пен қайырымдылық есебінде азық-түлік себеті табысталды.
Марапаттау жиынына арнайы қатысқан Алматы қаласының бас имамы Еркінбек Шоқай тігін курсының желтоқсан айындағы түлектеріне еңбекқорлық пен адал кәсіптің дініміздегі орны мен қоғамға пайдасы туралы айтты. Сондай-ақ курс түлектеріне сәттілік тілеп, сертификат табыс етті.
Бас имам түлектердің шеберлік қабілеттерін дамытуға үлес қосып, көп балалы және аз қамтылған отбасыларды қолдау мақсатында сауапты істерде белсенділік танытқаны үшін тігін курсының жетекшісі Бейсенбина Ләззатқа алғыс хат берді.
Ал «ЗЕРЕ әлеуметтік даму орталығы» қоғамдық қорының басшысы Ж.Тәжібекова отбасы құндылықтарын қолдауға және дамытуға қосқан үлесі үшін қаланың бас имамы Еркінбек Шоқайға алғыс хат табыстады.
Қызықты тақырыптар
Намаз уақыттары 
