АЛМАТЫ: "КӨРКЕМ МІНЕЗ КЕМЕҢГЕРІ МҰХАММЕД" РУХАНИ МӘУЛІТ КЕШІ ӨТЕДІ
Қазақстан мұсылмандары діни басқармасы Алматы қаласы өкілдігінің ұйымдастыруымен 2021 жылдың 31 қазан күні сағат 14:00-де "КӨРКЕМ МІНЕЗ КЕМЕҢГЕРІ МҰХАММЕД" атты рухани мәуліт кеші өтеді.
--Мәуліт кешіне зиялы қауым өкілдері, ақсақалдар мен мешіт жамағаты және имамдар қатысады. Бас мүфти Наурызбай қажы Тағанұлы мен Алматы қаласы әкімінің орынбасары Ержан Бабақұмаров жиналған халықты құттықтап, арнайы баяндама жасайды.
--Пайғамбарымыздың өмірбаяны қазақ тілінде жырланатын болады.
--Мәулітке арналған мерекелік шарада иләһи әндер мен термелер орындалып, пайғамбарға деген сағыныштар әнмен жеткізілмек.
-- Ең бастысы, рухани кеште Құран оқылып, салауаттар айтылады.
--Аллаға тәуекел ету, теріс қылықтардан аулақ болу, дұрыс дос таңдай білу, бала тәрбиесіндегі ата-ананың ролі т.б. мәнді дүниелер баяндалатын сахналық көріністер қойылады.
--Шара соңында Мәуліт рухани кешінің билеттерінен түскен қаражат көпшіліктің алдында мұқтаж кісілерге табысталатын болады.
Шараның басты мақсаты – Пайғамбарымызға салауат айту, оның асыл қасиеттерін дәріптеу, халық арасында имандылықты насихаттай отырып, тұрақтылық пен тыныштыққа үндеу болып табылады.
Ескерте кететін жайт, мәуліт кеші Azan.kz сайтының Youtube каналы мен Azan.kz_1 instagramm әлеуеттік желі парақшасында тікелей эфирде көрсетіледі.
Мәуліт кешін онлайн мына сілтемелер арқылы тамашалай аласыздар:
Azan.kz youtube каналының сілтемесі:
https://www.youtube.com/watch?v=YwI9MSeB2lo&feature=youtu.be
Azan.kz_1 instagram парақшасының сілтемесі:
https://www.instagram.com/azan.kz_1/?hl=ru
Алматы Орталық мешітінің баспасөз қызметі
Қызықты тақырыптар
Намаз уақыттары 
