АЛМАТЫ: ҚҰРБАНДЫҚ ШАЛЫНАТЫН ОРЫНДАРДЫҢ ТІЗІМІ ЖАРИЯЛАНДЫ
Бұл жөнінде бас имам Төлеби Дәділұлы қаланың Өңірлік Коммуникациялар қызметінде өткен брифингте мәлімдеді.
Алматы қаласы әкімдігі санитарлық-эпидемиологиялық нормалар мен талаптарды сақтау мақсатында, құрбандыққа шалынатын малдарды сату, сою және таратуға рұқсат етілген арнайы 13 орын бекітілгенін жеткізді.
«Адам баласы құрбан айт күні (құрбан шалып) қан ағызудан да сүйікті басқа іспен Алла Тағалаға жақындаған емес. Сондықтан құрбандарыңды көңіл ризашылығымен шалыңдар», - деген.
Сол себепті, қорада малыңыз яки қалтаңызда қаражатыңыз болса, Алла жолында малыңызды құрбан етіп, етін мұқтаж жандарға үлестіріп бергейсіз», - деді қаланың бас имамы Төлеби Оспан.
Өткен жылдардағы тәжірибеге сай құрбан шалу рәсімін көпшіліктің сұранысына орай, онлайн түрде тапсырыс берушілер үшін «qurban2022.kz» сайты қайта іске қосылды. Сайт арқылы тапсырыс берушіге құрбандығының шалынғандығы жөнінде видео-есеп жолданатынын хабарлады. Алматы қаласы бойынша құрбандық етін алуға өтініштер «qurban2022.kz» сайты арқылы қабылданады.
Алматы қаласында құрбандық шалуға рұқсат етілген орындар:
- Алатау ауданы бойынша:
- «Мырзахмет» мешіті. «Қарасу» ы/а, Солтүстік айналым к-сі, 15 үй.
- «Әскер ата» мешіті. Әйгерім-1 ы/а, Бенберин к-сі, 18/4.
- «Алғабас» мешіті. Алғабас ы,а; Ақбөпе к.,6.
- «Әл-Әзим» мешіті. Бурундай ы/а, Азат к., 20а үй.
- Бостандық ауданы бойынша:
- «Бақыткелді» мешіті. Хан-Тәңірі ы/а, Дулати, 27/11.
- Медеу ауданы бойынша:
- «Аманқұл ата» мешіті. Т.Бигелдинов к-сі, 5.
- «Фатима» мешіті. Ш.Жәнібек к-сі 148.
- «Райымбек батыр» мешіті. Думан-1 ы/а, Хан Тәңірі к-сі, 15.
- Наурызбай ауданы бойынша:
- «Қалқаман-2» мешіті. Қалқаман-2 ы/а, Аспандияров к-сі, 84.
- «Қарағайлы» мешіті. Қарағайлы ы/а, К. Надыров к-сі, 1а.
- «Таусамалы» базары. Таусамалы ш/а. Қонаев к-сі. 35в.
- Түрксіб ауданы бойынша:
- «Қайрат» мешіті. Қайрат ы/а, Көрімдік к-сі. 1
- Жетісу ауданы бойынша:
- «Вайнах» мешіті. Айтықов к-сі, 1а.
Аталған орындарда мешіт қызметкерлері халыққа құрбандық шалу рәсіміне қатысты қызметтерді атқаратын болады.
Алматы әкімдігі қазіргі кездегі эпидемиалогиялық ахуалды ескере отырып, қала тұрғындары мен қонақтарынан мал сатып алу кезінде мұқият болуларын сұрайды. Малды тек аталған мекен-жайдан ғана сатып алуға кеңес береді.
Құрбандық етін қабылдау пункттері қаланың 53 мешітінде де қойылған. Арнайы мұздатқыштар орнатылып, тасымалдау көлік құралдарымен қамтамасыз етілмек. Қала тұрғындары өз үйіне жақын мешіттерге барып, құрбандық еттерін өткізе алады.
Алматы Орталық мешітінің баспасөз қызметі
Қызықты тақырыптар
Намаз уақыттары 
