АЛМАТЫДА «ЖАРАПАЗАН-PARTY» БАЙҚАУЫ ӨТЕДІ
Алматы Орталық мешітінің ұйымдастыруымен Рамазан айының құрметіне өтетін «Жарапазан-Party» атты бұқаралық байқауына барша алматылықтарды қатысуға шақырамыз!
Байқау ережесі
1. «Жарапазан-Party» атты байқау (ары қарай – Байқау) жалпыхалықтық бұқаралық шара болып саналады;
2. Байқау қасиетті Рамазан айының қарсаңында ұйымдастырылады;
3. Байқау туралы ақпарат алдын-ала www.azan.kz сайтында жарияланады;
4. Байқауға тек Алматы қаласының тұрғындары қатыса алады.
Байқаудың мақсаты мен міндеттері
1. ҚМДБ Төрағасы, Бас мүфти Наурызбай қажы Тағанұлы 2023 жылды «Ислам және ізгі қоғам» жылы деп жариялауына орай «Дін мен дәстүр» сабақтастығы аясында ізгі қоғам құруда бұқара халық арасында ұлттық құндылықтарымызды, дәстүрімізді насихаттап, дәріптеу;
2. Ұмытыла бастаған игі дәстүрлерді қайтадан сәнге айналдыру;
3. Халықты он екі айдың сұлтаны болған қасиетті Рамазан айының келуімен сүйіншілеу;
4. Оразаның рухани-моральдық, этикалық қасиеттерін насихаттау.
Байқаудың өту кезеңі
Байқау 2023 жылдың 23 наурыз бен 01 сәуір күндері аралығында өтеді; Байқау ү.ж 01 сәуір күні қорытындыланады.
Байқауға қатысу талаптары
1. Байқауға жекелеген адамдар, шығармашылық топтар, студенттер мен мешіт шәкірттері, жалпы жамағат қатыса алады;
2. Байқауға қатысушылар классикалық немесе жаңарған заманауи жарапазан мәтінін ұлттық музыкалық аспаптардың сүйемелдеуімен немесе сүйемелдеусіз халық арасында флеш-моб форматында орындайды. Байқаудың қорытындысы барлық қатысушылар мен әділ-қазылардың қатысуымен Алматы Орталық мешітінде өткізіледі. Сондай-ақ, байқау қорытындысына дейін жарапазан жырын орындаушылар видео нұсқасын 8 747 554 35 58 телеграм каналына жолдауы тиіс. Алматы Орталық мешітінің ресми парақшалары @azan.kz_1 Instagram, Facebook және Тік-ток әлеуметтік желілерінде #жарапазан2023 хеш-тегімен жарияланады.
Жүлдегерлерді марапаттау
1. Байқау қорытындысында орындаушылар жүлделі І орын 300 000 теңге, ІІ орын 200 000 теңге, ІІІ орын 100 000 теңге қаржылай сыйлықпен марапатталады. Сонымен қатар ынталандыру мақсатында бағалы сыйлықтармен марапатталатын болады. Байқауға демеушілік көрсетуші «MIRAS QAZYNA» қоры.
Қосымша мәліметтер үшін байланыс телефон номері: 8 747 554 35 58.
Алматы Орталық мешітінің
Баспасөз қызметі
Қызықты тақырыптар
Намаз уақыттары 
