ОНЛАЙН КУРСТА МӘУЛІТ ҚҰРМЕТІНЕ САЙЫС ӨТКІЗІЛДІ
Құрметті Құран сүйер қауым, Алматы Орталық мешіті мен «Қари» қайырымдылық қоры бірлесіп, ұйымдастырған қыздар мен әйелдерге арналған тегін ОНЛАЙН курста Пайғамбарымыздың (оған Алланың салауаты мен сәлемі болсын) туған айы мәуліт құрметіне орай 6 қазан күні екі номинация бойынша жарыс өтті.
1) 30 шы параны жаттаған
2) "Бурудж" сүресінен "Нас" сүресіне дейін жаттаған курс қатысушылары арасында сайыс өтті. Құран жаттау және ижаза алу тобында екі ижазасы бар Арайлым қари Өмірбекқызы сабақ береді. Жалпы жаттау тобына 2022 жылдың ақпан айынан бері 179 оқушы тіркелген, алды 3 пара жаттаса, көпшілігі 30-шы параны жаттап, ұстазға тапсырған болатын. Жарысқа 30-шы параны жаттау бойынша 13 оқушы қатысса, "Бурудж" сүресінен "Нас" сүресіне дейін жаттаған 19 оқушы қатысты. Жарысқа онлайн түрде Қазақстанның барлық жерінен қатысты. Сайыста әділ қазылар алқасы құрамында Арайлым қари Өмірбекқызы, Мысыр елінде Құран жаттаған қари, Нұр-Мүбарак Университетінің магистрі, шариғат факультетінің түлегі Гүлзат Ескендірқызы және Үркімбаева Оксана ұстаздар болды.
Сайыс нәтижесі 30 шы пара бойынша:
І орын Түркістан облысынан Базарбек Салтанат Туркиялық қазан мен мантоварка жиынтығы
ІІ орын Қарағанды облысынан Ермекбай Гүлзада Tefal компаниясының бумен үтіктейтін үтігі
ІІІ орын Алматы қаласынан Сәулебай Айдын KARCHER компаниясының шаңсорғышы
"Бурудж" сүресінен "Нас" сүресіне дейін:
І орын Түркістан облысынан Аринова Дариха Қазан жиынтығы
ІІ орын Алматы қаласынан Түгелбаева Гүлнора алтын сақина
ІІІ орын Қарағанды облысынан 10 жастағы Абдулла Жамила афгандық қазан ұтып алды.
Жеңімпаздар жеңістеріңіз құтты болсын. Жүлделі орын ала алмай қалған кісілер еңселеріңіз түспесін, Құран жаттаған адам ешқашан жеңілмейді дегіміз келеді.
Алматы Орталық мешітінің баспасөз қызметі
Қызықты тақырыптар
Намаз уақыттары 
