ТҮРКСІБ АУДАНДЫҚ МЕШІТТЕРІ ҚАЙЫРЫМДЫЛЫҚ ЖАСАДЫ
Қасиетті Рамазан айының қарсаңында Түрксіб ауданына қарасты бірқатар мешіттер қайырымдылық шараларын өткізді.
"Ислам және ізгі қоғам" жылы аясында ауданның "Фирали Ферғанұлы" бас мешіті бастаған дін қызметкерлері "Қайрат", "Абдулла", "Ар-Рахим", "Әлмерек", "Макка", "Түрксіб", "Ынтымақ" мешіттері де жұмыла қайырымдылық шарасына ат салысты. мешіті дүркіретіп өткізді. Мешіттерге көмек сұрай келген көп балалы аналар, тұрмысы төмен, мұқтаж жандары бар отбасылардан тұратын жүз отбасы шақырылды. Күнделікті тұтынатын азық-түліктер салынған себеттер даярланып, ауданның бас имамы Ержан Үсенханұлы табыстады. Сонымен қатар, ауданның алтын құрсақты аналарына сый-қораптар үлестірілді.
Сондай-ақ Түрксіб ауданында "Ынтымақ" мешітінің қарилар дайындау орталығы мен "Хафиз" қайырымдылық мекемесіндегі елуге таяу шәкірттеріне "Фирали Ферғанұлы" мешіті 250 келі сиыр етін таратты. Екі мекеменің шәкірттеріне бас имам Ержан Үсенханұлы діни білім алып жатқан шәкірттермен кездесіп, рухани сұхбат өткізді.
Алматы Орталық мешітінің баспасөз қызметі
Қызықты тақырыптар
Намаз уақыттары 
