АЛМАТЫ: ҚАР ТАЗАЛАУШЫЛАРҒА ЫСТЫҚ АС БЕРІЛДІ
Түрксіб ауданына қарасты «Фирали Ферғанұлы» мешітінің ұйымдастыруымен Алматы көшелерін қардан тазалаушыларға ыстық тамақтар үлестірілді.
Қалың қар түсіп, аяз көтерілген сәттен бері тынымсыз тазалық жұмыстары жалғасып жатыр. Осынау аязға қарамай қала тұрғындарының қолайлы жүріп-тұруын қамтамасыз ету үшін көшелерді қардан тазалап жүрген жұмысшыларға ыстық шәй-тамақтар үлестірілді. Еңбектері ел алдында қыстың суығы мен жаздың ыстығына да төзген коммуналдық қызметкерлері көмек қолын созған мешіт қызметкерлеріне алғысын жаудырды. Дін қызметкерлері бір мезгілдік түскі ыстық тағамдары мен ыстық шай таратып, қала халқы үшін жасап жатқан еңбектеріне алғыс айтып қайтты. "Көк туымыз желбірей берсін!" деген ақ тілектері рухты көтерсе, "Жақсы жандар ортамызда көп болсын!" деп дұға жасалды.
Алматы Орталық мешітінің баспасөз қызметі
Қызықты тақырыптар
Намаз уақыттары 
