АЛМАТЫ: «ТАҒЗЫМ» МЕМОРИАЛЫНДА ҚҰРАН БАҒЫШТАЛДЫ
Бүгін Алматы тұрғындары, қоғам қайраткерлері мен дін қызметкерлері жуырда ашылған «Тағзым» мемориалында марқұмдарға арнап құран бағыштады.
Қала тұрғындары қаңтар оқиғасы кезінде қаза тапқандарды еске алып, мемориал стелласына гүл шоқтарын қойды. Алматы қаласының бас имамы Төлеби Дәділұлы бастаған бірқатар имамдар қаңтарда қаза тапқандарға арнап құран аяттарын оқып, дұға жасады. Құран бағыштау рәсіміне қаңтарда қаза тапқандардың ағайын-туыстары, зиялы қауым өкілдері, қоғам қайраткерлері және ақын-жазушылар қатысты. Сондай-ақ жиналған жұртшылық қаланың сегіз аудан мешіттерінде нәпіл құрбандықтар шалу мен арнайы жайылған құдайы ас дастарханына қатысты.
Дастархан басында имамдар дұға бағыштап, тыныштық пен тұрақтылықтың маңыздылығы жөнінде насихат айтты.
Алла Тағала елімізге амандық, жерімізге тыныштық берсін.
Алматы Орталық мешіті баспасөз қызметі
Қызықты тақырыптар
Намаз уақыттары 
