ІІІ РЕСПУБЛИКАЛЫҚ ҚҰРАН ЖАРЫСЫ ӨТЕДІ
Бас мүфти Наурызбай қажы Тағанұлының 2023 жылғы бағдарлық баяндамасы негізінде Алматы қаласында ІІІ республикалық қыздар арасында Құран жарысы өткізілмек.
Бұл туралы Алматы өкілдігінің 2023 жылға арналған жұмыс жоспарымен таныстыру жиынында қаланың бас имамы Төлеби Дәділұлы хабарлады. «Ардақты Пайғамбарымыз (оған Алланың салауаты мен сәлемі болсын) хадисінде: «Сендердің ең жақсыларың – Құранды үйреніп, оны басқаларға үйреткендерің», – деп айтқанындай, асыл дініміз исламды ұстанған қазақ қоғамында дәстүрге айналған Құран жарыстарынан республикалық сайыс өткізуді жалғастыру болмақ», - деді бас имам.
Сонымен қатар, жыл соңына дейін атқарылуы тиіс айтулы іс-шаралар: «Имам Матуриди мектебінің қалыптасуы мен ұстанымы» атты халықаралық конференциясы, «HALAL EXPO – 2023» халықаралық көрмесі, «Әл-Фараби ұсынған ізгі қоғам» республикалық конференциясын өткізу жоспарда екенін жеткізді.
Алматы Орталық мешітінің баспасөз қызметі
Қызықты тақырыптар
Намаз уақыттары 
