МӘУЛІТ 2021: ҚҰНДЫ ЖӘДІГЕРЛЕР КӨРМЕСІ ҰЙЫМДАСТЫРЫЛДЫ (ФОТО)
31-қазан күні Алматы қаласы Республика сарайында өткен «Көркем мінез кемеңгері – Мұхаммед (с.ғ.с.)» атты мәуліт мерекесінде құнды жәдігерлер көрмеге қойылды.
Көрме залында қағба макеті мен қасиетті Құран Кәрімнің тұпнұсқалары, Пайғамбарымыз (оған Алланың салауаты мен сәлемі болсын) өмірінен сыр шертетін суреттер көрермен назарына қойылды. Рухани кеш қонақтары мен көрермен қауым каллиграфиялық қолжазбамен жазылған Құран Кәрім түпнұсқаларын, Пайғамбарымыз (оған Алланың салуаты мен сәлемі болсын) қолданған ыдыс-аяқтар, тұрмыстық заттарының суреттерін, қасиетті қағба макетін тамашалады.
Мәуліт айындағы рухани кештің басты мақсаты – пайғамбарымызға салауат айту, оның асыл қасиеттерін дәріптеу, халық арасында имандылықты насихаттай отырып, тұрақтылық пен тыныштыққа үндеу болып табылады. Салауат жырлары мен пайғамбарға деген ыстық ықыласы сағыныш сезіміне ұласқан көрермен-жамағат ризашылық көңілмен қимай қоштасты.
Алматы Орталық мешітінің баспасаз қызметі
Қызықты тақырыптар
Намаз уақыттары 
