ОНЛАЙН КУРСҚА ТІРКЕЛУ ЖАЛҒАСУДА
Құрметті Құран сүйер қауым, Алматы Орталық мешіті мен «Қари» қайырымдылық қоры бірлесіп, ұйымдастырған қыздар мен әйелдерге арналған тегін ОНЛАЙН КУРС өз жұмысын 2022 жылдың ақпан айынан бастаған болатын. 6 айдың ішінде 1783 оқушы тіркелді, оның 187 оқушы 12 жасқа дейінгі балалар болса, қалған 1596 оқушы 12 жастан асқан мектеп оқушылары, студенттер, зейнеткерлер, үй шаруасындағы аналар мен әр түрлі салада қызмет істейтін әйел кісілер.
Курста
- 0-ден бастап үйрететін бастауыш топ;
- жалғастырушы топ;
- 12 жасқа дейінгі балалар тобы;
- жаттау және ижаза алу тобы бар;
Бастауыш топта әріптермен қоса тәжуид, фикһ, ақида, ахлақ сабақтары бірге жүргізіледі. Сабақ инстаграм, зум, телеграм әлеуметтік желілерінде жүреді. Сабақты Қазақстанның кез келген аумағынан, ауылдық жерлерден көре алады. Сабақтар парақшада сақталады, оқушылар бос уақыттарында көріп, ұстаздарға тексертеді.
Апта сайын qari.umma инстаграм парақшамызда қосымша сұрақ-жауап және уағыз сабақтары жүргізіледі.
Күнде Арайлым қари Өмірбекқызы Құран хатым жасайды.
Ұстаздарымыз Ғалия Әділханқызы, Медине Әмірханқызы, Арайлым қари Өмірбекқызы, Гүлзат қари Ескендірқызы, Анара Қанатқызы - Алматы Орталық мешіті тағайындаған білікті мамандар.
Құран үйренушілердің 22% Алматы қаласынан, 14% Алматы облысы, 11% Түркістан облысы, 7% Нұр-Сұлтан қаласынан, 6%
Шымкент қаласынан, 6% Атырау облысы, 6% Қызылорда облысы, 6% Қарағанды облысы және қалған 22% оқушы Қазақстанның басқа өңірлерінен тіркелді.
Сабақты толық тапсырып, емтиханнан өткен оқушыларға сертификат беріледі.
Оқушыларды ынталандыру мақсатында жарыстар ұйымдастырылып, "Қари" қайырымдылық қорының демеушілігімен жеңімпаздарға сыйлықтар табысталды. Құран жаттау тобында біршама оқушы 30-параны жаттап, ұстазға тапсырды, басқа да жаттау тобындағы оқушыларымыз жалғастыруда.
Алматы Орталық мешіті мен "Қари" қайырымдылық қоры ұжымы жұмыстарына береке, оқушыларымызға хайырлы білім болсын деп тілейміз!
Сонымен қатар ай сайын жаңа оқушыларды қабылдау жалғасуда. Байланыс үшін Айман 87710707999 ватсап
Алматы Орталық мешітінің баспасөз қызметі
Қызықты тақырыптар
Намаз уақыттары 
