ОНЛАЙН ҚҰРАН КУРСЫНЫҢ ЕСЕП БЕРУ ЖИЫНЫ ӨТТІ
Алматы Орталық мешіті мен «Қари» қайырымдылық қоры бірлесе әйел-қыздарға арнап ұйымдастырылған тегін онлайн құран курсының жылдық есеп беру жиыны өтті.
Естеріңізге сала кетсек, тегін ОНЛАЙН ҚҰРАН КУРСЫ 2022 жылдың ақпан айынан бастап өз жұмысын бастаған болатын. Бүгін, яғни 2023 жылдың 13 - наурызында Алматы қаласының бас имамы Төлеби Оспан Дәділұлы мен «Қари» қайырымдылық қорының Президенті Есенгелдин Ержан мырза мен Орталық мешіт ұстазы Талғат Сапанов және онлайн курстың барлық ұстаздары 1 жылдық есеп беру жиналысын өткізді. Жиналыста 2022 жылға есеп беріліп, алдағы уақытқа біршама жоспарлар құрылды.
Онлайн курсқа 2022 жылы 2542 оқушы тіркелсе, соның ішінде 1300 оқушы Құранға түсті. Тіркелген оқушылардың ішінде 212 оқушы 12 жасқа дейінгі балалар болса, қалған 2330 оқушы 12 жастан асқан мектеп оқушылары, студенттер, зейнеткерлер, үй шаруасындағы аналар мен әр түрлі салада қызмет істейтін әйел кісілер.
Сабақтар инстаграм, зум, ютуб, телеграм, ватсап әлеуметтік желілерінде жүргізілді. Сабақты Қазақстанның кез-келген аумағынан, ауылдық жерлерден көруге мүмкіндік жасалынды. Өткізілген дәрістер парақшада сақталынып, қатысушылар бос уақыттарында көріп, ұстаздарға тексертіп отырды.
Курста:
- 0-ден бастап үйрететін бастауыш топ;
- Әріп білетін кісілерге тәжуид топ;
- Құранды дұрыс оқуға бағытталған жалғастырушы топ;
- жаттау және иджаза алу тобы қарастырылды.
Бастауыш топта әріптермен қоса тәжуид, фикһ, ақида, ахлақ сабақтары бірге жүргізілді. Сабақты толық тапсырып, емтиханнан өткен оқушыларға сертификат берілді. Оқушыларды ынталандыру мақсатында жарыстар ұйымдастырылып, «Қари» қайырымдылық қорының демеушілігімен жеңімпаздарға сыйлықтар табысталып отырды.
Құран жаттау және иджаза алу тобында 203 оқушы тіркелді. Алды 3 пара жаттаса, 23 оқушы 30-шы параны жаттап, 30 оқушы жарты параны жаттап, ұстазға тапсырды. Басталғаннан бері, екі иджазасы бар Арайлым қари Өмірбекқызы күнде 1 парадан Құран хатым жасап жүрді. Апта сайын «Әл-Мадина» мешітінің ұстазы Сарбала Айнұр ұстаз Сира тақырыбында уағыз жүргізсе, «Алғабас» мешітінің ұстазы Қалиасқарова Жұлдыз әйелдерге қатысты уағыз сабағын жүргізіп жүрді. Ұстаздар білікті, тәжірибелі бұйрықпен бекітілген мамандар.
«Қыз - бүкіл ұлттың анасы», - деген, сондықтан ұлтымыздың болашағы қаракөз қыздарымыз бен бесік тербеткен аналарымыздың, немерелеріне ертегі оқып беретін әжелеріміздің аузында Алласы, қолында Құраны бар болса-ұрпағымыз иманды, ғұмырымыз жарқын болмақ. Алматы қаласының бас имамы Төлеби Дәділұлы ізгі іске демеушілік танытқан Ержан Есенгелдин мырзаға алғыс хат табыстап, ризашылығын білдірді.
Алматы Орталық мешіті мен «Қари» қайырымдылық қоры ұжымының жұмыстарына береке, оқушыларымызға әрдайым терең білім алуды Алла нәсіп етсін деп тілейміз. Әрі қарай да тегін онлайн құран курсының жұмысы жалғасын табады.
Облыстар бойынша 2022 жылы тіркелген оқушылар:
|
№ |
Қалалар мен облыстар |
Оқушы саны |
% |
|
1 |
Алматы қаласы |
529 |
20% |
|
2 |
Алматы облысы |
368 |
14,5% |
|
3 |
Ақмола обл |
22 |
8% |
|
4 |
Астана |
168 |
7% |
|
5 |
Ақтөбе облысы |
135 |
5% |
|
6 |
Атырау обл |
160 |
6,3% |
|
7 |
БҚО |
102 |
4% |
|
8 |
Жамбыл облысы |
126 |
5% |
|
9 |
Қостанай |
7 |
0,3% |
|
10 |
Қызылорда |
128 |
5% |
|
11 |
Маңғыстау |
132 |
5,2% |
|
12 |
Қарағанды |
132 |
5,2% |
|
13 |
Павлодар |
19 |
0,7% |
|
14 |
Түркістан обл |
290 |
11,4% |
|
15 |
Шымкент |
142 |
5,6% |
|
16 |
СҚО |
11 |
0,4% |
|
17 |
Абай обл |
71 |
3% |
|
|
Барлығы |
2542 |
100% |
Алматы Орталық мешітінің баспасөз қызметі
Қызықты тақырыптар
Намаз уақыттары 
