«АБАЙ ҚҰНАНБАЙҰЛЫ» МЕШІТІНЕ БАС ИМАМ ТАҒАЙЫНДАЛДЫ
Алматы қаласы Жетісу ауданында орналасқан «Абай Құнанбайұлы» мешітіне жаңадан бас имам тағайындалды.
Бас мүфти Наурызбай қажы Тағанұлының бұйрығымен Дүйсебаев Нұрболат Аманбайұлы Бостандық ауданы «Бәйкен» мешітінің наиб имамы қызметінен босатылып, «Қазақстан мұсылмандары діни басқармасы» Республикалық Ислами діни бірлестігінің филиалы, Алматы қаласы, Жетісу ауданындағы «Абай Құнанбайұлы» мешітіне бас имам болып тағайындалды.
Естеріңізге сала кетейік, аталмыш мешіттің бас имамы қызметін бұған дейін атқарған Ержан Төлепов Түркістан облысының бас имамы болып ауысқан болатын.
Дүйсебаев Нұрболат Аманбайұлы
Білімі:
2002-2005 ж.ж. Шымкент қаласындағы Дарул Арқам атындағы қарилық курста қасиетті Құранды толық жаттап шыққан;
2006-2013 ж.ж. Ливия Араб Республикасы «Аддағуатул Исламия» Университетінің Исламтану және Құран ғылымы факультетін бітірді;
2015-2017 ж.ж. Шымкент қаласы Аймақты әлеуметтік инновациялық университетінің шетел тілі магистрі.
Еңбек жолы:
2013-2014 жылдары Алматы Орталық мешітінің наиб имамы қызметін атқарды;
2014 жылдан бері Алматы қаласы, Бостандық аудандық «Бәйкен» мешітінде наиб имам қызметін атқарып келді.
ҚМДБ Республикалық РАНТ мүшесі, отбасылы.
Алматы Орталық мешітінің баспасөз қызметі
Қызықты тақырыптар
Намаз уақыттары 
