ОРТАЛЫҚ МЕШІТТЕ БӘРЗӘНЖИ МӘУЛІТІ ОҚЫЛДЫ (ФОТО)
Қасиетті жұма қарасаңында Алматы Орталық мешітінде мәуліт оқылды.
Айтулы шараға ҚМДБ Төрағасының орынбасары, наиб мүфти Кенжеәлі қажы Қоңыратбайұлы, Алматы қаласының бас имамы Төлеби Оспан, дін қызметкерлері мен қарилар қатысты. Наиб мүфти Кенжеәлі қажы Қоңыратбайұлы Пайғамбарға (оған Алланың салауаты мен сәлемі болсын) және оның әулетіне салауат, сәлем айту дұғаның қабыл болуының бір шарты екенін жеткізді. Екі дүние сардары, адамзаттың асыл тәжі болған, сүйікті пайғамбарымыз Мұхаммедтің (оған Алланың салауаты мен сәлемі болсын) туған айының құрметіне орай имам Бәрзәнжи құрастырған мәуліт жыры оқылып, жамағатпен бірге салауат айтылды. Айта кететін басты ерекшелік Орталық мешітте тұңғыш рет мәуліт жырының қазақ тіліндегі аудармасы лэд экран арқылы жамағатқа көрсетіліп тұрды. Бұл өз кезегінде жамағатқа араб тіліндегі мәуліт жырын түсініп, ұғынуға мүмкіндік берді. Құран Кәрім сүрелері оқылып, наиб мүфти Кенжеәлі қажы Қоңыратбайұлы бата берді. Алла Тағаладан елімізге тыныштық, амандық-саулық тіледі.
Алматы Орталық мешітінің баспасөз қызметі
Қызықты тақырыптар
Намаз уақыттары 
