«ОРТАҒАСЫРЛЫҚ ТҮРКІ ТІЛІ - БАБАЛАР МҰРАСЫ» СЕМИНАРЫ ӨТТІ
Бас мүфти Наурызбай қажы Тағанұлы 2023 жылғы бағдарлық баяндамасында ортағасырлық түркі тілінде жазылған кітаптарды оқуға арналған курстар ашуды тапсырған болатын.
Бүгін Алматы Орталық мешітінде алғаш рет «Ортағасырлық түркі тілі - бабалар қазынасы» атты мешіт ұстаздарына арналған семинар өтті. Жиынға ҚМДБ наиб мүфтиі Кенжеәлі қажы Қоңыратбайұлы мен қаланың бас имамы Төлеби Дәділұлы қатысты. Кіріспе сөз алған наиб мүфти Кенжеәлі қажы Қоңыратбайұлы бабалардан қалған мұра-жазбаларды оқып, ел игілігіне пайдалануда имамдарға сәттілік тіледі. «Ғылым Ордасы» РМК сирек кездесетін кітаптар музейінің маманы Асқар Асанұлы ортағасырлық түркі жазбаларын оқуда ой-тәжірибелерімен бөлісті. Бұған дейін хабарлағанымыздай, оратағасырлық түркі тілінде жазылған Ханафи мәзһабына негізделген бабалар кітаптарын оқуға арналған курстар ашу қолға алынған болатын. Алдағы уақытта мешіт ұстаздарына ортағасырлық түркі тіліндегі жазбаларды оқыту бойынша мамандар дәріс өткізу жоспарлануда. «Бұл өз кезегінде деструктивті діни ағымдардың алдын алуда маңызды болмақ», - деп атап өтті бас имам.
Алматы Орталық мешітінің баспасөз қызметі
Қызықты тақырыптар
Намаз уақыттары 
